Знайсці
15.09.2023 / 22:027РусŁacБел

Пасол у Расіі апраўдваўся за вывезеных у Беларусь украінскіх дзяцей 

Пасол Беларусі ў Расіі Дзмітрый Круты паспрабаваў апраўдацца за вываз украінскіх дзяцей у Беларусь. Паводле яго, усё было са згоды бацькоў або законных прадстаўнікоў дзяцей. Пра гэта ён заявіў, выступаючы на «круглым стале» на тэму «Украінскі крызіс: роля гуманітарных і пасрэдніцкіх ініцыятыў нейтральных актараў». Мерапрыемства было арганізавана ў Расіі пры падтрымцы расійскага МЗС.

Круты заявіў, што Беларусь аказвае сістэмную дапамогу «дзецям Данбаса», у тым ліку возіць іх у лагер «Зубраня». З пачатку 2021 года ў Беларусь вывезлі больш за 3,5 тысячы ўкраінскіх дзяцей.

Па словах пасла, усе дзеці прыязджаюць у Беларусь са згоды законных прадстаўнікоў. Ён таксама пацвердзіў, што да вывазу дзяцей мае дачыненне Беларускае таварыства Чырвонага Крыжа.

«У асноўным — гэта дзеці-сіроты, бацькі якіх загінулі ў ходзе баявых дзеянняў, альбо выхадцы з няпоўных, малазабяспечаных сем'яў. Таксама адзначу, што насуперак нахабнай хлусні заходняй і ўкраінскай прапаганды, выезд дзяцей на аздараўленне ў Беларусь ажыццяўляўся толькі са згоды іх бацькоў і законных прадстаўнікоў».

Беларускія дэмакратычныя сілы цяпер збіраюць матэрыялы для Міжнароднага крымінальнага суда (МКС), якія даказваюць дачыненне прадстаўнікоў рэжыму Лукашэнкі да незаконнага вывазу ўкраінскіх дзяцей. У рэзалюцыі ад 13 верасня, Еўрапарламент заявіў, што дзеянні Лукашэнкі і ягонага рэжыму можна кваліфікаваць як злачынствы супраць чалавечнасці (дэпартацыя або гвалтоўнае перамяшчэнне насельніцтва) паводле Рымскага статуту і заклікаў Міжнародны крымінальны суд (МУС) выдаць ордэр на арышт Лукашэнкі.

Чытайце таксама:

Круты назваў лічбы, як абваліўся заходні рынак у беларускім гандлі пасля санкцый

Талай анансаваў прывоз у Беларусь новых груп украінскіх дзяцей

У Марыупальскі ўніверсітэт на акупаваных тэрыторыях паступілі два беларусы

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Miortvyja nia mohuć pisać abo mović/адказаць/
16.09.2023
Jak zahinułyja baćki abo apiekuny padpisvajuć zhodu na vykradańnie svaich dziaciej-sirot varožaju krainaj-ahresaram?
0
Лявон/адказаць/
16.09.2023
Крутому таксама знойдзецца месца на лаўцы ў Гааге.
0
Ёсік/адказаць/
16.09.2023
Каб вывезці непаўналетняе дзіця за межы краіны, патрэбна даручаннасьць, зробленая натарыўсам, пераклад з апыстылем. Пакажы іх, брахун-амбасадар.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера