Знайсці
15.09.2023 / 15:062РусŁacБел

У Баварыі фокусам з беларускімі рублямі хацелі развесці паліцэйскага. Але той аказаўся падкаваным

Вартавы парадку быў знаёмы з такой схемай махлярства і ведаў, што банкноты амаль нічога не каштуюць.

Фота: newauction.ru

У нямецкай зямлі Баварыя двое жыхароў Усходняй Еўропы выбралі няправільную «ахвяру», каб пракруціць вядомы фокус з абменам беларускіх банкнот старога ўзору, піша сайт «Беларусь і свет» са спасылкай на выданне neumarktonline.de.

Інцыдэнт адбыўся ў мінулую нядзелю на тэрыторыі грамады Лаўтэрхофен у акрузе Верхні Пфальц.

Двое ўсходнееўрапейцаў ва ўзросце 48 і 50 гадоў знакамі спынілі аўтамабіль і папрасілі кіроўцу абмяняць ім купюры на амаль 190 еўра. Патлумачылі яны такую неабходнасць тым, што тэрмінова трэба заправіць машыну гаручым, а ў іх з сабой, на жаль, толькі беларуская валюта.

Аднак кіроўцам аказаўся паліцэйскі, які ехаў у непрацоўны час у цывільным па сваіх справах. Вартавы парадку быў знаёмы з такой схемай махлярства і ведаў, што банкноты амаль нічога не каштуюць. Спроба падману таму не адбылася, а грошы канфіскавалі.

У Нямеччыне ашуканцы часта выкарыстоўваюць беларускія рублі, выведзеныя з абарачэння ў выніку дэнамінацыі 2016 года, для абмену на буйныя сумы еўра. Звычайна адбываецца гэта на другарадных трасах, і правапарушальнікі робяць выгляд, што трапілі ў бязвыхадную сітуацыю.

Прычым купюры старога ўзору выдаюцца за балгарскія левы.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
1
Фрэнки Зэ Ивнинг/адказаць/
16.09.2023
Это инвестиции беларуской оппозиции в европейскую экономику
0
Саламон/адказаць/
17.09.2023
Фрэнки Зэ Ивнинг, ну канешне, гэта ж апазіцыя зрабіла каб старыя рублі каштавалі меньш чым папера, на якой яны надрукаваныя
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
1234
567891011
12131415161718
19202122232425
26272829