Знайсці
13.09.2023 / 20:081РусŁacБел

«Гэта вельмі ўразлівая мадэль». Пашынян заявіў, што Арменія больш не можа спадзявацца на Расію

Прэм'ер-міністр Арменіі Нікол Пашынян у інтэрв'ю выданню Politico заявіў, што ягоная краіна больш не можа спадзявацца на Расію як на гаранта бяспекі, нават нягледзячы на рост боязі праз аднаўленне канфлікту з Азербайджанам.

Нікол Пашынян у Маскве 25 мая 2023 года. Фота: Contributor / Getty Images

«У выніку падзей ва Украіне магчымасці Расіі змяніліся… Арменія больш не можа спадзявацца на Маскву як на гаранта сваёй бяспекі, нават нягледзячы на тое, што расце асцярога з нагоды аднаўлення адкрытага канфлікту з Азербайджанам», — сказаў Пашынян.

Ён назваў «няўстойлівым» падыход, калі ў выпадку абвастрэння канфлікту кожны раз даводзіцца заклікаць Расію ў якасці гаранта бяспекі. Цяпер, паводле Пашыняна, стратэгія Арменіі заключаецца ў тым, каб максімальна знізіць «залежнасць ад іншых».

«Мадэль, згодна з якой у нас узнікаюць праблемы з нашымі суседзямі, і мы павінны запрашаць іншых абараніць нас — усё адно, хто гэтыя іншыя, — ёсць вельмі ўразлівай мадэллю», — адзначыў армянскі прэм'ер.

У інтэрв'ю ён успомніў падзеі верасня 2022 года. «Азербайджан атакаваў тэрыторыю Арменіі, захопліваў тэрыторыі, а саюзнікі маўчалі і не рэагавалі».

У сувязі з гэтым, як адзначыў Пашынян, Арменіі давялося пайсці на дамоўленасць, каб «зафіксаваць суверэнітэт і тэрытарыяльную цэласнасць».

3 верасня ў інтэрв'ю італьянскаму выданню La Repubblica Нікол Пашынян казаў, што цяпер «Расія мае патрэбу ў зброі і боепрыпасах», таму «нават калі б захацела, не змагла б забяспечыць патрэбы Арменіі ў сферы бяспекі».

Чытайце таксама:

Пуцін: Калі Арменія прызнала, што Карабах — частка Азербайджана, то пра што размова?

Масква наважылася на канфрантацыю з Арменіяй

У Арменіі затрымалі прарасійскага блогера і журналіста «Спутніка»

Жонка прэм'ера Арменіі адправілася ў Кіеў

У Арменіі правядуць вайсковыя вучэнні сумесна з ЗША

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
яшчэ/адказаць/
13.09.2023
Дайшло?
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера