Знайсці
13.09.2023 / 21:074РусŁacБел

Цяпер афіцыйна: гэта было самае спякотнае лета за ўсю гісторыю назіранняў

Ліпень быў самым гарачым месяцам, а жнівень ішоў на другім месцы. І гэта далёка не мяжа.

Выява: vecteezy

Сусветная метэаралагічная арганізацыя ААН і Еўрапейская кліматычная служба Copernicus абвясцілі, што завоблачныя тэмпературы і жорсткія хвалі спякоты, што ахапілі планету за апошнія тры месяцы, зрабілі мінулае лета самым гарачым у Паўночным паўшар'і з усіх зафіксаваных.

Гэтая навіна з'явілася пасля таго, як метэаролагі зафіксавалі самы гарачы дзень у ліпені. Не адставаў і наступны месяц, які стаў самым гарачым жніўнем за ўсю гісторыю запісаў (і другім самым гарачым месяцам пасля ліпеня 2023 года). Так жнівень аказаўся прыкладна на 1,5 °C цяплейшым, чым у даіндустрыяльныя гады.

Існуе сувязь паміж сёлетнімі рэкорднымі тэмпературамі ва ўсім свеце і тым, што гэты год быў годам фармавання Эль-Ніньё — з’явай, што характарызуецца ваганнем тэмпературы паверхневага пласта вады ў экватарыяльнай частцы Ціхага акіяна, якая аказвае прыкметны ўплыў на клімат. У аб'яве даследчыкаў адзначаецца, што 2016 год, які таксама быў годам Эль-Ніньё, гэтак жа ставіў новыя тэмпературныя рэкорды. З часоў індустрыялізацыі глабальная тэмпература няўхільна расла з-за дзейнасці чалавека і асабліва з-за празмернага спальвання выкапнёвага паліва.

Працяглая спёка таксама азначала трывожна высокія тэмпературы акіяна і рэкордна нізкі ўзровень марскога лёду ў Антарктыдзе з месячным значэннем на 12% ніжэйшым за сярэдні, што, безумоўна, самая вялікая адмоўная анамалія ў жніўні з часоў спадарожнікавых назіранняў, паведамляе СААЗ.

Расколіна ў ледніку, які растае / Фота: vecteezy

Высокія тэмпературы нясуць з сабою і іншыя экалагічныя праблемы. Так, напрыклад, Канада змагалася з ляснымі пажарамі і дымам. Полымя распаліла і распаўсюдзіла незвычайна цёплая вясна, за якой услед рушыла гарачае лета. Дагэтуль, на пачатак верасня, у краіне працягвалася больш за 1000 актыўных пажараў.

Рэкордная спякота азначае таксама і рэкорднае спажыванне электраэнергіі, у тым ліку за кошт працы кандыцыянераў. Так, напрыклад, у амерыканскім Тэхасе тэмпературы больш за 42°C гэтым летам нагрузілі электрычную сетку штата настолькі, што дзяржаўны аператар электрасеткі нават прасіў жыхароў добраахвотна знізіць спажыванне энергіі, распавядае Gizmodo.

Генеральны сакратар ААН Антоніу Гутэрыш папярэдзіў, што час на ўкараненне кліматычных рашэнняў праходзіць — і спыніць далейшае пацяпленне, магчыма, ужо не ўдасца. «Кліматычны зрыў пачаўся, — сказаў ён у сваім паведамленні ў пачатку верасня. — Мы ўсё яшчэ можам пазбегнуць найгоршага кліматычнага хаосу, і нам нельга губляць ні секунды».

Чытайце таксама:

Доля выкапнёвага паліва ў энергетыцы зменшылася ў Еўрасаюзе да гістарычнага мінімуму

Расія ўхіляецца ад санкцый усё хітрэйшымі спосабамі

Ліпень стане самым гарачым месяцам у гісторыі назіранняў

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
3
Ваня4/адказаць/
13.09.2023
Живу в Швеции и за 12лет такай холод и дожди первый раз. Земле миллиарды лет судя по пирамдам она пережила не одну цивилизацию людей. Экологи бедные люди, листая подшивка старых газет можно видеть что каждые 15 лет они кричат : все будет потоп, будет, засуха, будет голод. ...нагребут денег и утихают ...и опять круговорот денег в природе
14.09.2023
2018-ty byŭ bolš haračy. I heta, dadam,... nie zimie !!!
1
ванючка/адказаць/
14.09.2023
Ваня4, ну. паглядзець на эту Грэту
добра нагрэта
у сэнсе - добра нагрэбла бабла і барахла 
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031