Знайсці
13.09.2023 / 20:333РусŁacБел

Duolingo дадае ўрокі музыкі

Вытворца мабільнай праграмы для вывучэння моў Duolingo афіцыйна пацвердзіў хуткі запуск Duolingo Music. Зараз у адной праграме можна будзе вывучаць мовы, матэматыку і музыку.

Выява: Duolingvo

Вытворца адукацыйных праграм анансаваў з'яўленне ў сваім прадукце новых мультымедыйных функцый, якія будуць уключаць Duolingo Math і Duolingo Music — і ўсё ўнутры адной мабільнай праграмы разам з вывучэннем моў, якое было асноўнай функцыяй Duolingo.

У рэкламным відэа Duolingo дэманструе першыя афіцыйныя выявы прадукту, якія паказваюць, што абноўленая праграма будзе прапаноўваць невялікія ўрокі, інтэрактыўныя практыкаванні і дазволіць карыстальнікам павышаць свае навыкі.

Duolingo не распавёў пакуль усе падрабязнасці пра новы музычны прадукт, але ў кампаніі адзначылі, што новая праграма будзе ўтрымліваць «сотні» ўрокаў і больш за 200 «вясёлых і знаёмых мелодый». Праграма таксама будзе выкарыстоўваць фірмовы гейміфікаваны інтэрфейс і інтэрактыўныя практыкаванні, дзе карыстальнікі змогуць вучыцца на практыцы.

Выява: Duolingvo

Duolingo паведаміў, што на рашэнне пайсці ў музыку паўплывала патрэба ў музычнай адукацыі ў ЗША, дзе, паводле слоў прадстаўнікоў кампаніі, больш за 3,6 мільёна студэнтаў не маюць доступу да яе, а прыватныя ўрокі могуць каштаваць да 400 даляраў за ўрок. Акрамя таго, даследаванні паказалі, што вывучэнне музыкі дапамагае развіваць такія навыкі, як чытанне, вуснае маўленне, аўдзіраванне і матэматычныя здольнасці, адзначылі ў кампаніі.

Выява: Duolingvo

Кампанія ўжо некаторы час працуе над тым, каб выкарыстоўваць сваю мадэль навучання для іншых прадметных абласцей. Напрыклад, падчас пандэміі COVID-19 Duolingo запусціў бясплатную праграму навучання англійскай мове для дзяцей пад назвай Duolingo ABC, распавядае TechCrunch. У кастрычніку мінулага года дэбютавала праграма Duolingo Math, якая стала першым больш шырокім прадметным пашырэннем у праграмы па-за межамі вывучэння моў.

Duolingo Music і шматпрадметны функцыянал новай праграмы будуць прэзентаваныя на канферэнцыі Duocon 11 кастрычніка 2023 года.

Чытайце таксама:

Чаму білінгвы могуць мець перавагу ў памяці — новае даследаванне

Музыка, створаная штучным інтэлектам, здзівіць вас

Пад новай назвай адрадзіўся праект «Адукацыя.інфо»

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
1
Шчыры/адказаць/
14.09.2023
А беларускую і да гэтага дадаць не змаглі, хоць прасіла вельмі шмат людзей і не толькі з Беларусі.
1
Максим Дизайнер/адказаць/
18.09.2023
Не теряйте впустую время. Научиться там чему-то в бесплатной версии - невозможно. Игрушка для домохозяек. Платная, уверен, недалеко ускакала.
1
марцін/адказаць/
19.09.2023
Максим Дизайнер, напісаў чалавек, які ніколі не карыстаўся Duolingo :))))
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031