Знайсці
03.09.2023 / 21:5449РусŁacБел

Бондарава пайшла ў атаку на міністра адукацыі

Інфаказачка абвінаваціла Андрэя Іванца ў распаўсюджванні нацызму.

У сваім тэлеграм-канале прарасійская актывістка абурылася словамі міністра адукацыі пра тое, што нягледзячы на пэўны аптымізм у справе вывучэння школьнікамі беларускай мовы, гэта не азначае, што ўлады не павінны «надаваць больш увагі і вывучэнню нашай культуры і нашай мовы».

На думку Бондаравай гэтымі словамі, дзе «нашай» міністр назваў толькі беларускую мову, Іванец дыскрэдытаваў і намерана прынізіў значэнне адной з дзяржаўных моў — рускай. Яна бачыць у гэтым спробу супрацьпаставіць адну дзяржаўную мову іншай.

«Падобныя дзеянні дзяржчыноўнікаў назіралі і ў перадмайданнай пранацысцкай Украіне: там таксама спачатку пазітыўна дыскрымінавалі рускую мову, а цяпер гатуюць стравы «з рускіх немаўлятаў». 

Патыхае і ў Беларусі нацызмам. Моцна.

Я б не здзівілася і не здзіўляюся, сустракаючы такую пранацысцкую рыторыку ад сістэмных нацыстаў. Але ад міністра адукацыі?» — абураецца Бондарава.

Бондарава як і раней, у сваіх публікацыях, звяртаецца да роўнасці моў, якой, насамрэч, у Беларусі не існуе, пра што яна цудоўна ведае. Спробы ж неяк падтрымаць беларускую мову, або, як яна кажа «штучна выпячваць», Бондарава расцэньвае як спробу ўнесці раскол у грамадства.

На думку інфаказачкі ў Беларусі міністру адукацыі яшчэ ёсць чым заняцца.

«Ці названая шЬляхта паразітамі, магнаты, якія прадалі веру і народ — прыстасаванцамі і юдамі, а польскія каралі — акупантамі? Або пад вашым чулым кіраўніцтвам беларускім дзецям працягвае ўлівацца ў галоўкі яд падпаньскага халуйства, калі замест вызваліцеля І. В. Сталіна праслаўляецца італьянка Бона, якая насаджала каталіцтва ў акупаваным Польшчай ВКЛ?» — падзялілася блогерка сваім бачаннем беларускай гісторыі.

У канцы Бондарава запатрабавала прыцягнуць чыноўніка да адказу:

«Выступ Іванца патрабуе адказу бацькоў і грамадзянскай супольнасць — дзеля недапушчэння развіцця нацызму ў Беларусі па ўкраінскім прыкладзе».

Сама ж Бондарава яшчэ ўчора асуджала прапагандыста Ігара Тура за тое, што ён выступіў супраць «мемарыяла» Прыгожыну і неанацысту Уткіну каля манумента Перамогі ў Мінску.

«Наша Нiва» — бастыён беларушчыны

ПАДТРЫМАЦЬ

Чытайце таксама:

Кіраўніца гродзенскай «Белай Русі» патроліла Бондараву

«Сколько можно совершать ошибки, товарищи?» Бондарава знайшла новага ворага — васілёк

Па-беларуску ў Беларусі вучацца каля 10% школьнікаў. Нават пры канцы СССР было 22%

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Ёсць адна кандыдатура для яе.../адказаць/
04.09.2023
Максим Дизайнер Для луки идеально подходит —и красивыи будуть И благародныи! А уж какие культурна-умныя —ни у сказки сказать,ни у лужу п*нуть!
04.09.2023
Курапаты, Каго вы тут патрыётам назвалі ? Гэтага міністра, каторы нішчыць усё нацыянальнае ў беларускіх школах ? Гэтыя два персанажы вартыя адзін другога.
1
калі на /адказаць/
04.09.2023
Руслан, ім няма калі. Яны др---ць.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031