Знайсці
03.09.2023 / 16:264РусŁacБел

Мілітарызацыя: пад Барысавам адкрылі другое ў Мінскай вобласці кадэцкае вучылішча

1 верасня было ўрачыста адкрытае Барысаўскае кадэцкае вучылішча. У цырымоніі адкрыцця ўзялі ўдзел дзяржаўны сакратар Рады бяспекі Аляксандр Вальфовіч, старшыня Мінскага абвыканкама Аляксандр Турчын і міністр абароны Віктар Хрэнін.

Вынас сцяга кадэцкага вучылішча. Фота: «Мінская праўда»

«Барысаўскае кадэцкае вучылішча Мінскай вобласці» створана на базе Старабарысаўскай санаторнай школы-інтэрната. Гэта ўжо другая ўстанова такога тыпу ў вобласці пасля Мінскага абласнога кадэцкага вучылішча, якое знаходзіцца ў Слуцку.

Новае вучылішча размясцілася ў аграгарадку Старабарысаў Барысаўскага раёна па вуліцы Астроўскага, 1. Акрамя школьных прадметаў, у вучэбнай праграме — асновы дапрызыўнай і страявой падрыхтоўкі, практычныя заняткі ў воінскіх часцях.

Урачыстае адкрыццё адбылося пачалося з вынасу афіцыйнага сцяга Беларусі на пляцоўку каля цэнтральнага ўваходу ў будынак вучылішча і выканання гімна. Пра цырымонію распавядае выданне «Мінская праўда».

Кіраўнік вобласці Аляксандр Турчын, міністр абароны Віктар Хрэнін і дзяржаўны сакратар Рады бяспекі Аляксандр Вальфовіч на цырымоніі адкрыцця вучылішча. Фота: Мінская праўда

Паводле слоў Аляксандра Турчына, ідэя адкрыць вучылішча менавіта ў Барысаве з'явілася ўжо даўно.

«Барысаў проста вельмі цесна звязаны з Узброенымі Сіламі нашай краіны. Таму дзе як не ў Барысаве мусіць быць кадэцкае вучылішча.

Некалькі месяцаў таму, пры наведванні гэтага аб'екта, было прынята рашэнне тут адкрыць вучылішча. І літаральна на працягу двух месяцаў былі завершаны будаўнічыя работы» — распавёў падрабязнасці Аляксандр Турчын.

Ва ўстанове адукацыі сёння шэсць рэканструяваных карпусоў: лячэбна-аднаўленчы блок, два блокі спальных памяшканняў на 200 месцаў, вучэбна-адміністрацыйны корпус, харчаблок на 120 месцаў. Маецца спартыўная база: басейн, стадыён, валейбольныя і баскетбольныя пляцоўкі, зала лячэбнай фізкультуры, спартыўная зала. Зала лячэбнай фізкультуры абсталяваны спартыўнымі трэнажорамі.

Усяго ў вучылішчы сёлета залічана 140 кадэтаў, 108 хлопчыкаў і 32 дзяўчынкі. У 2024 годзе колькасць месцаў для навучання плануюць павялічыць.

Шэфамі Барысаўскага кадэцкага вучылішча стануць воінскія часці і падраздзяленні 72 Аб'яднанага навучальнага цэнтра.

Чытайце таксама:

«Вайсковая адукацыя набірае папулярнасць». У Мінску могуць адкрыць яшчэ адно кадэцкае вучылішча

Вальфовіч заявіў, што Расія змагаецца не з украінскім народам, а з нацызмам, які ўздымае галаву

«Нельга справіцца з нацызмам без барацьбы з лібералізмам». Сілы, якія выдаюць сябе за «антыфашыстаў», правялі кангрэс у Мінску

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
1
даведка/адказаць/
03.09.2023
Вынужденная мера, чтобы хоть идеологически вышколенными выпускниками кадетских военных училищ и лицеев МВД без экзаменов укомплектовать военные и силовые вузы и твердить о рекордном конкурсе туда.
1
Федя/адказаць/
03.09.2023
Я помнится в школе хотел поступать в военное училище попал на военноспортивные сборы, после этих сборов не о какй армии, я даже слышать не хотел, так что это хорошо что из детей выбивают милитаризм таки образом!
03.09.2023
КЗ - какой ужас, да еще рисунок на манер российских военнх знамен. Трэшаааак.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера