Знайсці
03.09.2023 / 14:3311РусŁacБел

Латвія працягвае пісаць казку. Гэтым разам баскетбольную

Зборная Латвіі ўпершыню ў гісторыі прабілася на чэмпіянат свету па баскетболе і адразу выйшла ў чвэрцьфінал.

Фота: fiba.com

Каб прабіцца ў топ-8 латвійцам трэба было сёння перамагчы Бразілію. Палова матча ішла роўная барацьба (45:42), а ў трэцяй чвэрці Латвія стрэліла і выйграла з лікам +15, у апошняй чвэрці нашых суседзяў было не спыніць: у выніку 104:84.

Наогул Латвія моцна дадае ў канцы сустрэчы.

На шляху да чвэрцьфінала Латвія паспела перамагчы моцную зборную Францыі, выйграўшы літаральна на апошніх секундах сустрэчы, а таксама на апошніх хвілінах чэмпіёна свету зборную Іспаніі.

Усяго ўдзел у чэмпіянаце свету бяруць 32 каманды.

Найлепшымі сёння ў Латвіі былі Андрэйс Гражуліс (24 ачкі), Артурс Жагарс (17), Давіс Бертанс (14), Артурс Куруцс (12). Галоўная зорка да чэмпіянату Крыстапс Порзіньгіс удзелу ў турніры не бярэ з-за траўмы.

Трэніруе зборную італьянец Лука Банкі.

У чвэрцьфінале Латвія згуляе з Нямеччынай.

Зборная Літвы таксама зрабіла сенсацыю, выйграўшы ў каманды ЗША — 110:104, прычым пасля першай чвэрці літоўцы вялі 32:17.

У чвэрцьфінале Літва згуляе з Сербіяй.

Зборныя Беларусі і Расіі адхіленыя ад спаборніцтваў з-за вайны ва Украіне.

Нагадаем, што хакейная зборная Латвіі ў маі сенсацыйна заваявала бронзу, што прывяло да гулянняў у краіне, а панядзелак 29 мая, дзень вяртання хакеістаў на радзіму, быў абвешчаны выходным днём.

Перад чэмпіянатам свету па баскетболе латвійскія медыі жартавалі, ці падораць баскетбалісты дадатковы выходны дзень краіне. Напэўна, жарт спраўдзіцца.

Чытайце таксама:

Цуд у Джакарце: зборная Латвіі вырвала на апошніх хвілінах перамогу ў Іспаніі

Зборная Літвы выйшла ў чвэрцьфінал чэмпіянату свету па баскетболе

Баскетбольную зборную Беларусі не дапусцілі да лёсавання Еўра-2025

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
03.09.2023
LA, tvajo NBA siońnia nakaŭtavala Lietuva.:)
0
Сатурн/адказаць/
04.09.2023
Во Дворце тихо плачет один усатый дед...Даже в лучшее время таких результатов не было, а ведь столько арен построено, квартир и медалей роздано, а кроме 4 места в Солт-Лейк-Сити(и то случайного) — и вспомнить нечего...
04.09.2023
Moj prahnoz spraŭdziŭsia na ŭsie 100 %! Nastupnym supiernikam łatvijskaj kamandy bydzie Niamieččyna... Vielmi mocnaja i ambitnaja kamanda, z prycełam na čempijonstva. Da taho ž vielmi niespryjalny supiernik dlia łatyšoŭ. Zbornyja ŭsjch vidaŭ sportu Łatvii zvyčajna prajhrajuć hiermancam, navat kali niemcy i ŭ nia liepšym stanie. Takaja chaliera Fartuna... Nu, moža hetym razam udasca złamać hetuju tradycyju...
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера