Знайсці
01.09.2023 / 16:372РусŁacБел

Сетка супермаркетаў у Вялікабрытаніі адклікае пячэнне, бо спасылка на яго ўпакоўцы вядзе на сайт для дарослых

У канцы жніўня брытанскае аддзяленне Lidl вымушана было зняць з продажу чатыры віды печыва ва ўпакоўцы ў стылі папулярнага дзіцячага мультфільма «Шчанячы патруль»: выявілася, што спасылка на сайт вытворцы вядзе на сайт з порна. Як так атрымалася?

Папярэджанне сеткі крамаў Lidl. Фота: Х (былы Twitter) @WhichUK

Як піша Le Monde, пакупнікі могуць вярнуць тавары ў найбліжэйшую краму і атрымаць свае грошы назад. Прычынай гэтага ёсць спасылка, размешчаная на ўпакоўцы з печывам, якая павінна накіроўваць на сайт вытворцы. У яе тэксце змяшчаецца слова «дзеці» (kids). Аб тым, што спасылка насамрэч перанакіроўвае на порнасайт, размешчаны ў Кітаі, абураныя бацькі паведамілі выданню The Sun.

Што ж стала прычынай гэтага скандалу? Хакерская атака, зламыснае ўмяшанне, чалавечы фактар?

Не, усё значна прасцей: фабрыка, што выпускала гэта печыва, спыніла сваё існаванне ў 2022 годзе. На пакунку з прадукцыяй, якая яшчэ не сапсавалася, была спасылка на «правільны» сайт, але прадпрыемства пасля закрыцця спыніла аплату паслуг хостынгу.

Звычайна толькі што закрыты сайт з вялікай колькасцю наведвальнікаў прываблівае тых, хто хоча з мінімальнымі выдаткамі стварыць порнасайты, сайты азартных гульняў або сайты-ашуканцы.

На працягу некалькіх месяцаў сайт усё яшчэ захоўвае добрае месца ў пошукавых сістэмах, а спасылкі, якія вядуць да яго, застаюцца актыўнымі, нават калі яго змест цалкам змяніўся.

Аўтаматызаваныя прылады дазваляюць адсочваць даменныя імёны, тэрмін дзеяння якіх толькі што скончыўся, а таксама ацэньваць іх трафік. Гэта дае магчымасць нядобрасумленным прадпрымальнікам выкупляць іх за некалькі еўра. Гэта свайго роду кіберсквотынг — выкарыстанне чужога даменнага імя ў карыслівых мэтах.

Чытайце яшчэ:

Буйныя гандлёвыя сеткі — фабрыка стварэння адкідаў. І яны ўпарцяцца

Як у Францыі спрабуюць абмежаваць доступ непаўналетніх да парнаграфіі

Антось Жупран

Хочаш падзяліцца важнай інфармацыяй
ананімна і канфідэнцыйна?

Клас
0
Панылы сорам
1
Ха-ха
3
Ого
0
Сумна
1
Абуральна
0
01.09.2023
Дык а дзе сама спасылка?))
3
Алесь/адказаць/
01.09.2023
В чем проблема? Пусть смотрят и долбятся. Це Европа.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930