Знайсці
30.08.2023 / 00:0224ŁacБел

Беларусь і Украіна былі калоніямі Расіі? А вось і не

На фоне ўсіх апошніх падзей у рэгіёне можна пачуць заклікі разглядаць агрэсіўныя дзеянні Расіі ў адносінах да Беларусі і Украіны праз прызму каланіялізму. Маўляў, Расія — імперыя, і, адпаведна, Беларусь і Украіна — калоніі, якія пацярпелі і цярпяць ад яе дзеянняў. Але ці сапраўды гэта так? — ставіць у фэйсбуку пытанне Максім Маханькоў. 

Помнік Багдану Хмяльніцкаму быў пастаўлены ў Кіеве ў 1888 годзе, за часамі Расійскай Імперыі, на 900-годдзе Хрышчэння Русі

Мне здаецца, што людзі, якія гавораць пра каланіялізм у нашым кантэксце, маюць высакародную мэту — патлумачыць міжнароднай супольнасці праз зразумелыя ёй паняцці і канцэпцыі агрэсіўную і захопніцкую ролю Расіі ў рэгіёне. А таксама стаць часткай зразумелага і папулярнага на Захадзе дыскурсу.

Але, скажу шчыра, аналогіі тут кульгаюць. Беларусь (як і Украіна) не была калоніяй Расіі ў класічным сэнсе гэтага слова. Нам будзе вельмі цяжка «прадаць» міжнароднай супольнасці гэтую тэму так званага каланіялізму ў адносінах да Беларусі і Украіны (асабліва Украіны) з боку Расійскай імперыі.

У розных краінах у розныя часы існавалі розныя формы палітычнай і эканамічнай залежнасці, дамінавання і падпарадкавання.

І не кожная форма залежнасці, дамінавання і падпарадкавання з'яўляецца каланіялізмам.

Калі мы гаворым пра каланіялізм, то для яго характэрны дакладны падзел на метраполію і калоніі. Нічога падобнага не існавала паміж «ядром» Расійскай імперыі і Беларуссю/Украінай. Расійская імперыя не лічыла беларускія землі калоніяй, а ўспрымала іх як частку метраполіі.

Пра Украіну я ўвогуле маўчу — значная частка ўкраінскай эліты ўдзельнічала ў будаўніцтве гэтай імперыі, і яны сябе ніколі не лічылі «інородцамі» ці калоніяй.

Наступны момант: заходнія землі Расійскай імперыі (Польшча, краіны Балтыі, Украіна, Беларусь) у сваім сацыяльна-эканамічным і культурным развіцці значна апярэджвалі так званае «рускае ядро» Расійскай імперыі. Па ўсіх паказчыках: і ўзровень пісьменнасці, і тэхналогіі сельскай гаспадаркі, і многае-многае іншае.

Нават індустрыялізацыя ў Расійскай імперыі пачалася ў Польшчы і на Данбасе. Якая ж імперыя будзе праводзіць індустрыялізацыю ў «калоніях»?

Дык, можа, яны і не былі «калоніямі» ў класічным сэнсе гэтага слова? Можа там была нашмат больш складаная мадэль падпарадкавання?

Калі ўжо мы і хочам дастукацца да міжнароднай супольнасці, і прыводзіць нейкія зразумелыя ім аналогіі, то мы былі для Расіі тым, чым былі Уэльс ці Шатландыя для Англіі.

Так, у Уэльсе і Шатландыі таксама агрэсіўна насаджаліся англійская мова, парадкі, англійскае права і г. д. Руйнаваўся мясцовы лад і парадкі. Але яны не былі калоніямі. Як не была калоніяй і Беларусь.

Чытайце таксама:

«Не всё так однозначно». Палітолаг патлумачыў, чаму расіяне так лёгка пагаджаюцца падпальваць ваенкаматы

«Паміж Гітлерам і Адэнаўэрам трэба выбіраць Адэнаўэра». Нам можа не падабацца рыторыка расійскіх антыпуцінцаў, але гэта не падстава іх не падтрымліваць

Міфы, якія ляжаць у аснове еўрапейскай ідэнтычнасці

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
33
Панылы сорам
13
Ха-ха
6
Ого
3
Сумна
3
Абуральна
30
1
Freddy /адказаць/
01.09.2023
Слабый и примитивный анализ. Сути росийской империи Маханьков не понимает. А это то что в росийской империи нет имперскообразующей нации. В руские записивают как рабов или принимают добровольно манкуртов. Именно поэтому эта империя до сих пор жива.
1
Freddy /адказаць/
01.09.2023
Никифор,  все правильно описано и абсолютно верно. вот Маханко выстрелил абсолютную глупость.   
1
Таки да/адказаць/
03.09.2023
Навошта, У нас быў сейм, канстутуцыя, выбары караля, магдэбурская права, крэпаснога не было. Літаратура з'явілася раней, чым у маскавітаў.
https://d367rzjs5oyeba.cloudfront.net/325283

И куда это все подевалось? Короче, кто профукал Речь Посполитую москалям? Уж не наши ли прадеды? Они самые. Так что теперь плакать о потерянном? И занепад мовы они тоже обеспечили. Кто ополячился в ВКЛ? Они самые, наши прадеды. А теперь меня обвиняют и прочих, что мы обрусели. Ну да. И что? А те ополячились. А потом продули ВКЛ и РП. А мы уж по той же самой причине попали в РИ и обрусели. Нужно различать причину и следствие. Не продули бы наши прадеды РП русским, не оказались бы мы в составе РИ и в СССР. Так что неча теперь пенять по утраченному. Няма таго што раньш было.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера