Знайсці
17.09.2023 / 21:15РусŁacБел

Дык хто ж з вас хлус? Новая загадка на логіку для тых, каго не ашукаеш

Сардэчна запрашаем зноў у серыю лагічных галаваломак пра рыцараў і ашуканцаў. Дзеянне гэтых загадак адбываецца ў краіне, дзе ёсць два тыпы людзей: рыцары, якія заўсёды кажуць праўду, і ашуканцы, якія заўсёды хлусяць.

Выява: vecteezy

Задача

Да вас падыходзяць два чалавекі. Першы паказвае на другога і кажа: «Ён хлус». Другі потым кажа: «Ніхто з нас не хлус».

Хто яны на самай справе?

Падказка

У многіх падобных лагічных галаваломках важна кожнага з герояў пазначыць. Такім чынам, А кажа: «Б — хлус». А Б кажа: «Ні А, ні Б не хлусы».

Выява: vecteezy

Рашэнне

Гэтым разам у нас дзве асобы супярэчаць адна адной. Нехта з іх хлусіць, а таму нехта павінен быць ашуканцам.

Калі вы выкажаце здагадку, што першая асоба (А) — рыцар, які заўсёды кажа праўду, то Б тады ашуканец і мусіць заўжды хлусіць. Б кажа: «Ніхто з нас не хлус», — што ёсць хлуснёй. Усё сышлося.

У якасці альтэрнатывы, калі мы зойдзем з іншага боку і будзем меркаваць, што Б кажа праўду, то абодва мужчыны павінны быць рыцарамі. Але А сказаў: «Б — хлус». Калі яны абодва рыцары, то гэта хлусня, а рыцары, вядома, ніколі не хлусяць. Такім чынам, Б не можа казаць праўду.

Такім чынам, А — рыцар, а Б — ашуканец.

Чытайце таксама:

Ці зможаце вы запоўніць шклянку пры дапамозе запалак — галаваломка для аматараў фізікі

Праблема падпаленага кнота — ці зможаце вы рашыць гэтую матэматычную галаваломку

Два чалавекі абвінавачваюць адзін аднаго ў шпіянажы. Ці зможаце вы разабрацца, хто агентура, а хто не?

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
16
Панылы сорам
4
Ха-ха
3
Ого
1
Сумна
0
Абуральна
1
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930