Знайсці
10.06.2023 / 07:581РусŁacБел

«Вучыч, прэч!» У Бялградзе працягваюцца пратэсты

Дзясяткі тысяч сербаў у пятніцу ўзялі ўдзел у антыўрадавым пратэсце ў Бялградзе — шостым з пачатку мая, абвінавачваючы культуру гвалту ў гібелі 18 чалавек у двух масавых расстрэлах і заклікаючы міністра ўнутраных спраў Сербіі пайсці ў адстаўку.

Пратэст 9 чэрвеня ў Бялградзе. Фота: Darko Vojinovic / AP

Скандуючы «Вучыч, прэч!», маючы на ўвазе прэзідэнта Сербіі, і трымаючы вялікі банер з надпісам «Студэнты супраць гвалту», пратэстоўцы сабраліся перад парламентам і прайшлі маршам да будынка ўрада, піша «Еўрапейская праўда» са спасылкай на Reuters.

Пратэстоўцы патрабуюць адстаўкі міністра ўнутраных спраў Сербіі Браціслава Гашыча і кіраўніка спецслужбы Аляксандра Вуліна, якіх яны абвінавачваюць у няздольнасці прыцягнуць да адказнасці злачынныя групоўкі.

Удзельнікі пратэсту таксама патрабуюць адклікаць ліцэнзіі на нацыянальнае вяшчанне ў звязаных з уладамі тэлеканалаў Pink TV і Happy TV і забараніць некаторыя таблоіды, якія абвінавачваюцца ў прапагандзе гвалту.

Сербскі прэзідэнт, аднак, лічыць, што яго ўрад не нясе адказнасці за падзеі. «Ці вінаваты ўрад у злачынствах, што адбыліся? Я не магу з гэтым пагадзіцца», — сказаў ён у інтэрв'ю Reuters у пятніцу.

Масавыя антыўрадавыя пратэсты, выкліканыя двума масавымі расстрэламі ў пачатку мая, у Сербіі працягваюцца ўжо паўтара месяца.

На іх фоне Вучыч адышоў ад стырна праўладнай Сербскай прагрэсіўнай партыі, каб сфармаваць больш шырокі палітычны рух, а раней на гэтым тыдні заявіў, што ініцыюе датэрміновыя выбары, але не ўдакладніў, калі менавіта.

Чытайце таксама:

Вучань учыніў страляніну ў школе ў Бялградзе: некалькі загінулых

Чарговая страляніна ў Сербіі: восем загінулых, 13 параненых

Прэзідэнт Сербіі: Мы б маглі ўвесці смяротнае пакаранне, але станем у адзін шэраг з Беларуссю

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
3
Снид/адказаць/
10.06.2023
Это всего лишь из-за очередного скулшутинга? Детский сад...
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера