Знайсці
08.06.2023 / 19:0734РусŁacБел

«Байпол» страціў доступ да свайго ютуб-канала і сацыяльных сетак — Азараў

Кіраўнік «Байпола» Аляксандр Азараў запісаў відэа, з якога грамадскасць даведалася, што арганізацыя былых сілавікоў страціла доступ да свайго ютуб-канала і акаўнтаў у сацыяльных сетках. Вінаваты ў гэтым, паводле Азарава, былы супрацоўнік «Байпола» Мацвей Купрэйчык, які раней адмовіўся прайсці праверку на паліграфе.

Паводле Азарава, нядаўна Мацвей Купрэйчык разам «з групай асоб» адмовіўся прайсці праверку на паліграфе. Пасля таго адносна іх узнікла падазрэнне, у выніку чаго «група асоб» была звольненая з «Байпола» на падставе «недаверу і падазрэнняў».

Але гэта было б паўбяды. Галоўнае, што «Мацвей звёў з сабой наш афіцыйны ютуб-канал і акаўнты ў сацыяльных сетках». Паводле Азарава, гэта «не проста подла і падазрона, але і не можа лічыцца ягонай уласнасцю па азначэнні». 

Пасля гэтага Азараў пафасна тлумачыць важнасць «Байпола» і звяртаецца да грамадскасці з просьбай напісаць Мацвею Купрэйчыку і запатрабаваць ад яго ўсё знесенае вярнуць. 

У заключнай частцы выступлення кіраўнік «Байпола» тлумачыць ужо самому Купрэйчыку, што арганізацыя — гэта «не ты і твае сябры», «Байпол — гэта частка 2020 года і частка нашага ДНК». Дапускаючы, што ягоны ўчынак быў вынікам толькі неабдуманасці, Азараў заклікае Мацвея вярнуць арганізацыі ўсе акаўнты. Маўляў, «заўсёды ёсць шанец папрасіць прабачэння і быць сумленным».

Пры гэтым Азараў у каментары каналу «Мая краіна Беларусь» адзначыў, што да чат-бота плана «Перамога» Мацвей Купрэйчык дачынення не меў:

«Гэты чалавек адміністраваў выключна медыяпраекты BYPOL, ніякага дачынення да плана «Перамога» і доступу да гэтай непублічнай часткі працы BYPOL ён не меў. Такім чынам, усе ўдзельнікі плана «Перамога» могуць спаць спакойна: гэты чалавек не быў дапушчаны да сур'ёзных спраў і звестак нашай арганізацыі».

Чытайце таксама:

Азараў пытае меркаванне грамадскасці: Ці трэба ўсіх палітычных і грамадскіх лідараў апазіцыі праганяць праз паліграф?

Былы афіцэр ГУБАЗіКа Станіслаў Лупаносаў: Супрацоўнікаў правяраюць на паліграфе, ці галасавалі за Лукашэнку

Павел Латушка — пра адмову праходзіць паліграф і самы дарагі касцюм

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
08.06.2023
ем, Мацвей, гэта ты?
0
Петро/адказаць/
08.06.2023
Шос, мусора будут мусоров арестовывать. Мусорам в штаны валить не привыкать
1
пера мага пяра/адказаць/
08.06.2023
Woodoo Cult, прекрасно помню, как они переобулись летом 2020, обо...в меня)
ничто не забыто. никто не забыт
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера