У Францыі мужчына з нажом напаў на групу дзяцей: шасцёра параненых

Прынамсі сем чалавек, у тым ліку шасцёра дзяцей, атрымалі нажавыя раненні ў выніку нападу ў горадзе Ансі на ўсходзе Францыі. Мужчына, узброены нажом, накінуўся на групу дзяцей ва ўзросце каля трох гадоў у 9:45 раніцы ў парку ля гарадскога возера, пра гэта паведамляе Бі-бі-сі.

Міністр унутраных спраў Францыі Жэральд Дарманен напісаў у твітары, што нападнік «арыштаваны дзякуючы хуткай рэакцыі сіл бяспекі».

Паводле звестак тэлеканала BFMTV і агенцтва AFP, якія спасылаюцца на крыніцы ў паліцыі, мужчына расказаў, што ён сірыйскі бежанец, які шукае прытулку ў Францыі.

Nashaniva.com

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ