Беларускіх весляроў дапусцілі да міжнародных спаборніцтваў. Але «чацвёркі» і «васьмёркі» забароненыя
Міжнародная федэрацыя вяслярнага спорту (World Rowing) апублікавала ўмовы ўдзелу для беларускіх і расійскіх спартсменаў у спаборніцтвах у нейтральным статусе.
Фота: Team.by
Як паведамляе прэс-служба НАК Беларусі, прадстаўнікі акадэмічнага веславання атрымалі допуск ад World Rowing на наступныя старты:
— Чэмпіянат свету па акадэмічным веславанні сярод юнакоў да 19 гадоў (Парыж, Францыя). Усе класы лодак акрамя 8+ і 4+.
— Чэмпіянат свету па акадэмічным веславанні да 23 гадоў (Плоўдзіў, Балгарыя). Толькі ў лодках-адзіночках і двойках.
— Чэмпіянат свету па акадэмічным веславанні (Бялград, Сербія). Толькі ў лодках-адзіночках і двойках, уключаючы лёгкую вагу ў адзіночным разрадзе.
Веславанне для беларусаў — топавы від спорту. Беларуская каманда заўсёды прывозіла медалі з чэмпіянатаў свету і алімпіядаў.
Чытайце таксама:
Польшча фармуе міжнародную кааліцыю, каб не дапусціць беларусаў і расіян на Алімпіяду
Дык ці паедзе Недасекаў на Алімпіяду? Вось чаго чакаць ад аслаблення спартовага бану
