Знайсці
06.06.2023 / 19:433РусŁacБел

7-гадовая ўкраінская гімнастка, якой адарвала нагу расійскай ракетай, выйграла першы турнір

Маленькая ўкраінская спартоўка Аляксандра Паскаль заваявала першае месца на сваіх першых спаборніцтвах па мастацкай гімнастыцы. 7-гадовая ўраджэнка Чарнаморска страціла летась нагу.

«Я глядзела і не магла паверыць, як хутка яна рэабілітавалася! А самае галоўнае, якая матывацыя магутная павінна быць у 7-гадовай дзяўчынкі, каб так рэактыўна вярнуцца ў мастацкую гімнастыку з пратэзам нагі!» — напісала ў сябе ў фэйсбуку ўпаўнаважаная прэзідэнта Украіны па правах дзіцяці і дзіцячай рэабілітацыі Дар'я Герасімчук.

16 мая 2022 года расійскія акупацыйныя войскі запусцілі ракету па базе адпачынку ў Белгарад-Днястроўскім раёне (Затока), як піша Obozrevatel. 

Пацярпелі 4 чалавекі, але найбольш сур'ёзныя траўмы атрымала Саша. Як расказаў пазней яе дзядуля, удар здарыўся а 9-й гадзіне раніцы, калі ў доме знаходзілася ўся сям'я.

У выніку тэрарыстычнай атакі 6-гадовая дзяўчынка атрымала адкрыты пералом рукі, траўму галавы, пералом 4 рэбраў, множныя аскепкавыя раненні. Пліта перакрыцця ўпала ёй на нагу, раздрабніўшы ўсе косткі. Пацярпела і маці Аляксандры, Марыя Паскаль.

Дактары трымалі юную спартсменку 15 дзён у медыкаментознай коме, але выратаваць канечнасць не змаглі.

Пасля многіх месяцаў лячэння ва Украіне Аляксандра летась пабывала на рэабілітацыі ў Аўстрыі.

Удар прыйшоўся а 9-й раніцы

Аляксандра і яе мама моцна пацярпелі

Ёй зрабілі аперацыю на руцэ, уставіўшы спецыяльныя спіцы, якія знаходзяцца там да гэтага часу. Таксама ў Аўстрыі яна атрымала пратэз, на якім 4 месяцы вучылася хадзіць.

Па прыездзе ва Украіну Саша адразу пайшла на заняткі па мастацкай гімнастыцы.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
1
mikola/адказаць/
06.06.2023
Slava Ukraine !
1
Пожелание:/адказаць/
06.06.2023
Да, путин и лукашенка, чтобы вам также ПРИЛЕТЕЛО РАКЕТОЙ или БОМБОЙ, а может ещё и ХУЖЕ!!!
1
Андрусь/адказаць/
06.06.2023
Пасля выгнання расійскіх акупантаў з тэрыторыі Украіны краіны антыпуцінскай кааліцыі павінны далучыцца да разгрому расіі. Такая краіна павінна перастаць існаваць. У Маскве павінна з'явіцца вонкавае кіраванне, Яно павінна арганізаваць публічныя суды над ваеннымі злачынцамі і прапагандыстамі, запрасіць у нацыянальныя рэспублікі іхнія нацыянальныя ўрады ў выгнанні і лідараў нацыянальных рухаў і пасля падрыхтоўчай працы правесці рэферэндумы аб незалежнасці. Расійская ядравая зброя павінна быць знішчана. Потым паступова выводзіць да самакіравання праз правядзенне вольных і дэмакратычных выбараў расію, якая застанецца пасля адасаблення ахвочых нацыянальных краінаў паняволеных цяпер расійцамі народаў. Толькі так можна пазбавіцца ад пагрозы таго, што расійцы будуць беспакарана ў еўрапейскіх краінах адрываць ногі сямігадовым дзяўчынкам, якія мараць стаць славутымі гімнасткамі.      
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера