Сёлета ў школах і гімназіях Мінска адкрыюцца авіяцыйныя класы. Дзе яны будуць і чым адметнае навучанне
Сёлета ў некаторых школах і гімназіях сталіцы адкрыюцца спецыяльныя авіяцыйныя класы. Пра гэта новаўвядзенне паведамілі АНТ у Міністэрстве адукацыі Рэспублікі Беларусь.
Ілюстрацыйны здымак. Фота: БЕЛТА
Такія класы адкрыюць гімназія №10 — з 10-га класа, сярэдняя школа №218 — з 7-га класа, сярэдняя школа №46 — з 5-га класа, сярэдняя школа №226 — з 5-га класа — прыводзіцца пералік устаноў адукацыі.
У праграме навучання ў авіяцыйных класах будзе зроблены ўпор на вывучэнне матэматыкі і англійскай мовы, а таксама будуць арганізаваныя факультатыўныя заняткі. Адной з адметных рыс стане форменнае адзенне для вучняў, як удакладнілі ў Мінадукацыі.
Вучань любой школы сталіцы можа звярнуцца ў пералічаныя вышэй установы адукацыі.
Чытайце таксама:
«Узялі старыя табліцы ЦТ». Як пералічылі балы на ЦЭ, хоць гэта і забаронена заканадаўствам
Мінадукацыі: Адзнакі на ЦЭ перагляду не падлягаюць. Апеляцыю падаць нельга
У скандал з цэнтралізаваным экзаменам свае пяць капеек уставіў Лукашэнка
