Знайсці
01.06.2023 / 16:443РусŁacБел

Беларускія вайскоўцы патрэніраваліся збіваць дроны халастымі патронамі. Ці паспяхова, не паказалі

«Беларускі Гаюн» заўважыў, што беларускія вайскоўцы трэніруюцца збіваць дроны халастымі патронамі. Відэа вучэння апублікавала Мінабароны.

Мінабароны Беларусі падзялілася відэа, як падчас вучэнняў Узброеных сіл Беларусі з органамі вайсковага кіравання і воінскімі часцямі тэхзабеспячэння «на базе 43-га арсенала ракет і боепрыпасаў было адпрацавана пытанне падаўлення і знішчэння БПЛА».

Для падаўлення беспілотніка выкарыстоўвалі 23-мм зенітную ўстаноўку ЗУ-23-2 і аўтамат Калашнікава.

Маніторынгавая група заўважыла, што на відэа беларускі вайсковец вядзе агонь па БПЛА з аўтамата Калашнікава з утулкай для халастой стральбы.

Згодна з правіламі стральбы з аўтамата АК-74, катэгарычна забаронена стральба з аўтамата баявымі патронамі з накручанай на ствол утулкай для халастой стральбы.

У «Гаюне» лічаць, што ў вайскоўца ў магазіне не магло быць баявых патронаў.

У Мінабароны Беларусі не ўдакладнілі, якім чынам можа быць «падаўлены і знішчаны БПЛА» агнём з аўтамата халастымі патронамі.

«Беручы пад увагу паводзіны двух відэааператараў (першы зняў прымацаванае відэа, а другога можна заўважыць на заднім плане), можна канстатаваць, што праводзілі не трэніроўку па знішчэнні БПЛА, а здымку чарговай паказухі.

Відавочна, МА Беларусі пакуль не плануе вучыцца рэальна (а не на камеру) змагацца з дронамі і будзе пераймаць «паспяховы» досвед памежнікаў Беларусі», — піша «Гаюн».

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
1
Генералісімус Маянэзаў/адказаць/
01.06.2023
Так званым "беларускім вайскоўцам": калі моцна паднапружыцца, то гучны стрэл можна атрымаць і без стрэльбы. 
0
Петя/адказаць/
01.06.2023
Так с насадкой для холостых патронов пуля просто не вылетит. Так что да - показуха
1
Беня/адказаць/
01.06.2023
Боевые бабки-шептухи - новое секретное вундерваффе.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера