Сяржук Сыс. Дачакайся, родная, мяне
Сяржук Сыс апублікаваў у фэйсбуку верш «Мама».
Мама, мама, кажуць, дактары
Часам не вылазяць з нашай хаты,
Дачакайся сына, не згары,
Ён жа ані ў чым не вінаваты.
Дачакайся, родная, мяне
І прабач, што зараз не вярнуся.
Веру, што выгнання час міне,
Яшчэ будзе вольна ў Беларусі.
Нашыя бярозкі і дубок
Моцы хай даюць табе і веры,
І аднойчы, быццам незнарок,
Ціха зарыпяць у хату дзверы.
Любая матуля, датрымай,
Мне ж таксама горка на чужыне,
А галоўнае, што тут цябе няма,
А галоўнае, што тут няма Радзімы.
Ноч за ноччу сню адно кіно:
Як іду сцяжынаю вясковай,
Зазіраю ў роднае вакно…
А далей, далей знікаюць словы.
29.05. 2023 г.
«Прабачце, накрыла!» — прыпісаў да верша Сяржук Сыс.
Каментары
Каб пакінуць каментар, калі ласка, актывуйце JavaScript у наладах свайго браўзера
У Магілёве судзяць двух дактароў па «справе артапедаў». Адзін з іх вучыў сына былога міністра аховы здароўя
2
КДБ можа прапаноўваць людзям супрацу пад выглядам украінцаў. Аналіз фільма пра «тэрарыстаў, якіх вяло СБУ»
8
«Вы абавязаныя весці агітацыю ў падтрымку палітыкі дзяржавы». Дасведчаную HR-спецыялістку запрасілі на працу ў каледж за 800 рублёў — і вось што з гэтага атрымалася
19
Каб скарыстацца календаром, калі ласка, актывуйце JavaScript у наладах свайго браўзера