Знайсці
30.05.2023 / 08:4916РусŁacБел

«Ніякіх прапаноў не паступае. Наогул». Лідар прадпрымальнікаў Анатоль Шумчанка расказаў, як некалькі месяцаў марна шукае працу

У пачатку лістапада мінулага года экс-кіраўнік ліквідаванай арганізацыі «Перспектыва», якая аб'ядноўвала індывідуальных прадпрымальнікаў і была ліквідаваная, публічна абвясціў, што шукае працу.

Анатоль Шумчанка

Анатоль Шумчанка размясціў сваё рэзюмэ на сайтах па пошуку працы. Аднак усё аказалася не так проста…

«Народная Воля» пацікавілася, ці знайшоў Шумчанка працу.

— Гэта такая далікатная тэма… — расказаў Анатоль Шумчанка. — Я па-ранейшаму ў пошуку. Разглядаю і адгукаюся на многія вакансіі.

Усюды патрэбны досвед працы — гэта тычыцца і гандлю, і кіравання прадпрыемствам, і іншых сфер.

Узрост — тут таксама ёсць абмежаванні, 48 гадоў — і тваё рэзюмэ ўжо не вельмі ахвотна разглядаюць…

Плюс маё мінулае — багаты бэкграўнд на ніве грамадска-палітычнай працы (абавязкова ж паказваеш, дзе раней працаваў), мабыць, насцярожвае працадаўцаў…

Адным словам, усе гэтыя фактары ў маім выпадку граюць не самую добрую ролю.

Хоць мае веды, досвед, магчымасці камунікацыі, арганізатарскія здольнасці спатрэбіліся б усюды. Я быў на сумоўі ў адной фірме, гаворка ішла пра аддзел продажаў — урэшце мне сказалі, маўляў: Анатоль, можа, паспрабуеце стварыць новую арганізацыю, якая будзе вырашаць пытанні такіх буйных кампаній, як мы?

Ніякіх прапаноў аб працаўладкаванні не паступае. Наогул! Але цяпер усім цяжка, я не адчайваюся.

Я хацеў бы займацца тым, чым займаўся, але пры гэтым адкрыты для рознага роду прапаноў, новых праектаў. Калі камусьці патрэбныя мае мазгі, крэатыў, арганізатарскія здольнасці — разгледжу абсалютна ўсе прапановы!

Я ведаю, што магу многае, якраз таму не гатовы ісці рознарабочым на будоўлю, кіроўцам таксі або кур'ерам.

Гэта ўсё роўна, што ехаць на новым «Мэрсэдэсе» па балоце… хтосьці, можа, на гэта і згаджаецца, але я амбіцыйны і мэтанакіраваны чалавек, ведаю сабе цану і ўпэўнены, што магу прынесці значна больш карысці, чым калі буду проста цягаць цэглу. Не хачу разменьвацца па дробязях. Веру, што ў любым разе ўсё будзе добра, — падсумаваў Анатоль Шумчанка.

Чытайце таксама:

«Быццам бы і не дурань, а нідзе не бяруць». Лідар прадпрымальнікаў Анатоль Шумчанка шукае працу

«Яшчэ раз трапішся — будзе крыміналка». Анатоль Шумчанка расказаў пра сваё затрыманне і тры дні ў ізалятары

Да Анатоля Шумчанкі на лецішча пракраўся злодзей

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
1
Бизнес/адказаць/
30.05.2023
Вот если Шумченко такой великий предприниматель, организатор и руководитель, то почему он не организует собственное дело, не создаст бизнес, который даст ему хлеб и масло, а может даже и икру? А может быть Анатолий не столь велик, как хочет казаться? Может все его достижения это липа и голые понты?
1
прафсаюз валуноўкладчыц/адказаць/
30.05.2023
дык ён можа з такіх "прадпрымальнікаў", якія абвароўвалі рабацяг? таму ў рабацягі і не хоча ісці, бо ведае, што іх абвароўваюць (не даплочваюць)?
0
справка/адказаць/
01.06.2023
Толя, позвони в КГБ или отправляйся к Володе Карягину на собеседование .
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера