Знайсці
30.05.2023 / 17:322РусŁacБел

На астуджэнне сервераў ChatGPT трэба столькі ж вады, колькі і на астуджэнне ядзернага рэактара — даследаванне

Навукоўцы змаглі палічыць дакладны аб'ём вады, які быў неабходны для навучання штучнага інтэлекту ChatGPT і падобных да яго.

Фота: «Наша Ніва»

На навучанне нейрасеткі ChatGPT быў затрачаны аб'ём вады, які звычайна выкарыстоўваецца для астуджэння ядзернага рэактара. Пра гэта 10 мая напісала выданне Gizmodo са спасылкай на даследаванне навукоўцаў з Каліфарнійскага і Тэхаскага ўніверсітэтаў ЗША.

Па інфармацыі навукоўцаў, на навучанне сістэмы ChatGPT-3 (гэта ўжо састарэлая версія) спатрэбілася 700 тысяч літраў вады — менавіта столькі было выдаткавана на астуджэнне сервераў кампаніі OpenAI падчас стварэння гэтай версіі. 

Гэта значыць, што толькі за адзін сеанс зносін са штучным інтэлектам знішчаецца адна літровая бутэлька вады. Пры гэтым больш новая мадэль ChatGPT-4 можа спажываць яшчэ больш.

«Як нам паведаміла карпарацыя Microsoft, для трэніроўкі ChatGPT-3 выкарыстоўваўся суперкамп'ютар з 10 тысячамі відэакарт і 285 тысячамі працэсарных ядраў, якія выпрацоўваюць гіганцкую колькасць энергіі, а серверы пры гэтым моцна награваюцца. Таму для астуджэння і падтрымання стабільнай працы такіх велізарных магутнасцяў патрабуюцца такія ж вялізныя аб'ёмы вады, што можна супаставіць з ёмістасцю адной ахаладжальнай вежы на звычайнай АЭС», — пішуць у сваім даследаванні навукоўцы.

Па іх словах, такі аб'ём вады забяспечвае аптымальную тэмпературу ў серверных дата-цэнтрах (у кампаніі OpenAI іх 14), а менавіта ад 10 да 26 градусаў Цэльсія. Пры гэтым на выпрацоўку кожнай кілават/гадзіны энергіі для працы штучнага інтэлекту патрабуецца прыкладна 5 літраў выключна чыстай прэснай вады.

Гэты факт асабліва палохае навукоўцаў, бо з улікам глабальнага пацяплення і ўсё большай папулярнасці ChatGPT і іншых падобных да яго нейрасетак (якія затрачваюць як мінімум такую ж колькасць вады на навучанне) гэта можа стаць сур'ёзнай праблемай для свету ва ўмовах будучых крызісаў праз дэфіцыт прэснай вады.

Таму кампаніям-распрацоўнікам штучнага інтэлекту неабходна задумацца аб удасканаленні сваіх тэхналогій і падыходаў да спажывання вады, каб забяспечыць бяспеку не толькі лічбавага, але і рэальнага свету, лічаць даследчыкі.

Нагадаем, што раней медыя змаглі высветліць, колькі каштуе адзін дзень працы ChatGPT.

Чытайце таксама:

ChatGPT, Bing і Аліса: якая з нейрасетак лепей валодае беларускай мовай і разумее наш кантэкст? Тэсцім

Штучны інтэлект стварыў кліп на культавую беларускую песню ВІДЭА

Ніякіх анекдотаў ад нейрасеткі! І іншыя вынікі гутаркі з ChatGPT на важныя для беларусаў тэмы

Марк Рыхтэр

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
30.05.2023
Будут строить дата центр на Марсе или Шпицберген е
30.05.2023
У нас есть ЛукаAGL працуе 30 год.. усе ведае.. даже то што непадвласна вашым ИИ Буде працавать да вашай смерти)) то есть на ваш век хватит)) Выдатки- расходны матэрыял - 1 млн беларусау на 30 год Забеспячэнне- мянты, губаз, алмаз, хуяз Можам на экспарт паставить каму нада🤣
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031