Знайсці
28.05.2023 / 21:254РусŁacБел

Выбітныя дацкія мастакі XIX стагоддзя выкарыстоўвалі піва перад нанясеннем фарбаў. Расказваем, чаму яны так рабілі ФОТЫ

Даследчыкі з Нацыянальнай галерэі Даніі вырашылі правесці аналіз знакамітых дацкіх карцін для выяўлення бялковых астаткаў ад фарбаў на палотнах, але ў выніку высветлілі нешта больш цікавае. 

Ілюстрацыйная выява. Фота: pixabay

У вядомых дацкіх карцінах, напісаных у папярэдніх стагоддзях, навукоўцы выявілі сляды піва на палотнах. Адпаведнае даследаванне было апублікавана 24 мая ў навуковым часопісе Science Advances.

Гэтую тэорыю аб выкарыстанні піва пацвердзілі даследчыкі з Нацыянальнай галерэі Даніі. Па словах аднаго з навукоўцаў, рэстаўратара Сесіла Крарупа Андэрсана, даследаванне пачалося з пошукаў жывёльнага клею (сумесі для растварэння фарбаў), але потым прывяло да нечаканых вынікаў.

Першая палова XIX стагоддзя называецца эпохай «Залатога стагоддзя» дацкага мастацтва. У тыя часы пісалі свае карціны такія выбітныя мастакі, як Крыстафер Вільгельм Экерсберг, Вільгельм Бендз, Крыстэн Кёбке і іншыя. Як высветлілася, майстры чэрпалі дадатковае натхненне пры дапамозе незвычайных рэчываў. Для падрыхтоўкі палотнаў яны выкарыстоўвалі адходы, якія заставаліся пасля варэння піва.

«Аказалася, што мастакі эпохі «Залатога стагоддзя» ў Даніі грунтавалі свае палотны літаральна півам. Карціны Экерсберга і Кёбке былі дасканала вывучаны з дапамогай сучасных метадаў і тэхналогій, пасля чаго было выяўлена, што на сямі палотнах ёсць збожжавыя і дражджавыя бялкі, у тым ліку ячмень, грэчка, пшаніца і жыта. Усе гэтыя бялкі ёсць кампанентамі для вытворчасці піва, і пры гэтым яны пастаянна дэградуюць, што ўказвае на ўжыванне датчанамі перапрацаваных пабочных адходаў піваварэння», — піша Сесіл Краруп Андэрсан і іншыя навукоўцы ў сваім даследаванні.

(Усе карціны, размешчаныя ніжэй, былі прааналізаваны ў даследаванні).

Крыстафер Вільгельм Экерсберг, «Рускі флот каля Эльсінара», 1826 год. Фота: Wikimedia Commons

Крыстафер Вільгельм Экерсберг, «Дацкі вайсковы карабель Dronning Marie з 84 гарматамі ў праліве», 1834 год. Фота: Wikimedia Commons

Крыстэн Кёбке, «Сусанна Сесілія Кёбке, жонка мастака», 1836 год. Фота: Wikimedia Commons

Крыстэн Кёбке, «Партрэт мастака-дэкаратара Г. К. Хілкера», 1837 год. Фота: Wikimedia Commons

Навукоўцы патлумачылі, што адходы піваварэння наносілі на палотны ў выглядзе пасты для стварэння гладкай паверхні і прадухілення прасочвання фарбы.

Аўтары даследавання ўпэўненыя, што гэтыя новыя веды дапамогуць зразумець, як даўжэй захаваць шэдэўры мастацтва.

Чытайце таксама:

«Мы будзем пераглядаць свае запісы па меры магчымасцяў». Амерыканская ўстанова адказала на беларускі запыт адносна змены подпісаў пра паходжанне мастакоў

«Нават Прыпяць моцна змяніла сваё рэчышча». Беларус з дапамогай ChatGPT стварыў унікальны сайт, дзе старадаўнія карты Беларусі можна параўнаць з сучаснымі

Топ культурніцкіх каналаў ад Мікіты Моніча

Марк Рыхтэр

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
дуся/адказаць
29.05.2023
Таму што апасля выкарыстання водкi рукі трасуцца, а апасля пiва не.
0
Wunderwaffe/адказаць
29.05.2023
Žvir,скисло уже или окончательно разделилось(судьба большинства очень старых сортов). А почему так грунтовали холст? Потому что дешево было. Фактически, вся городская Европа от почти немовлят до глубоких стариканов до появления качественных водопроводов и водоочистки пили в основном пиво и другие напитки. Потому что вода была грязная, вонючая и заразная.
0
Žvir :)/адказаць
29.05.2023
Wunderwaffe, дык вада й цяпер, як і раней, аўно, але ў дадатак і піва вырадзілася, як на бяду. Так і жывем. Некалі ў Гамбургу я адмыслова выдаткаваў час, ды пакаштаваў 8 гатункаў піва ў розных спецыялізаваных пад той напой сур'ёзных установах. Халтура, скажу я вам ! Сёньня самае смачнае піва Еўропы (а больш і няма дзе, зусім) вараць у Латвіі. Пацьвердзіў гэта ня толькі дэгустацыяй, але й назіраньнем за спажываньнем той прадукцыі ў пляжных шалманчыках (самы народны тэст!). Усе замежнікі бяруць толькі тутэйшае, ніякае бельгійскае, нямецкае ці нідэрляндскае іх не цікавіць... Ну, чэскае яшчэ бяруць добра.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера