Алейнік абмеркаваў з Ёзічам Будслаўскі фэст
22 мая ў Міністэрстве замежных спраў адбылася сустрэча апостальскага нунцыя арцыбіскупа Антэ Ёзіча з міністрам замежных спраў Сяргеем Алейнікам.
Антэ Ёзіч і Сяргей Алейнік. Фота: МЗС Беларусі
Падчас сустрэчы яны абмеркавалі пытанні супрацоўніцтва паміж Рэспублікай Беларусь і Святым Пасадам. Асобную ўвагу ўдзялілі тэматыцы міжканфесійнага дыялогу, як паведамляе catholic.by.
Адбыўся абмен думкамі адносна сітуацыі ў рэгіёне. Адзначаецца, што ў размове было пацверджана імкненне да працягу актыўнага супрацоўніцтва ў розных сферах і адкрытага ўзаемапаважлівага дыялога па пытаннях, якія ўяўляюць узаемны інтарэс.
Нунцый Ёзіч паінфармаваў Catholic.by, што падчас сустрэчы з міністрам Алейнікам, у прыватнасці, абмяркоўваліся сёлетнія ўрачыстасці ў Нацыянальным санктуарыі Маці Божай Будслаўскай, на якія прыбудзе спецыяльны пасланнік Папы Францішка арцыбіскуп Клаўдыа Гуджэроцці, прэфект Дыкастэрыі па справах Усходніх Касцёлаў.
З праграмай Будслаўскага фэсту можна азнаёміцца тут.
