Знайсці
20.04.2023 / 09:444РусŁacБел

На продаж у мінскай Грушаўцы выставілі вялікі катэдж — былое пасольства

Сярод шматпавярховікаў-новабудоўляў у Грушаўцы захаваўся вялікі катэдж, які, дарэчы, не прыгавораны да зносу. Раней у ім было пасольства Сербіі, а цяпер яго выставілі на продаж, піша realt.by.

Катэдж знаходзіцца на вуліцы Разінскай, 66а. Амаль з усіх бакоў яго атачаюць шматпавярховікі.

Раней у гэтым катэджы было пасольства Сербіі, але потым яно пераехала ў раён плошчы Перамогі. Невядома, ці жыў хтосьці гэтым будынку потым, але нядаўна яго выставілі на продаж.

Ён трохпавярховы і цагляны. Яго пабудавалі ў 1995 годзе. Агульная плошча — 392 квадратныя метры.

У доме тры паверхі і яшчэ цокальны.

На першым паверсе знаходзяцца кухня і сталовая, а таксама два жылыя пакоі і санвузел.

На другім паверсе знаходзяцца тры пакоі, кладоўка і санвузел.

На трэцім паверсе — адзін вялікі жылы пакой з камінам, спальня, кладоўка і санвузел.

У падвале размяшчаецца кацельня, дзве пральні і дзве кладоўкі. Ацяпленне газавае, каналізацыя і водаправод цэнтральныя.

Участак — 8 сотак. У двары ёсць альтанка з мангалам.

Зямля знаходзіцца ў пажыццёвым спадчынным валоданні. Мэтавае прызначэнне ўчастка — для абслугоўвання аднакватэрнага жылога дома.

Дарэчы, у 2013 годзе гэты дом прыгаварылі да зносу, але ў 2015-м годзе гэтае рашэнне Мінгарвыканкама адмянілі. Таму пакуль яму нічога не пагражае.

За катэдж просяць 320 тысяч даляраў.

Чытайце таксама:

Эксперт: кошт квадрату ў новабудоўлях сталіцы дасягнуў столі

«Суседства з заможнымі і культурнымі людзьмі». Якія катэджы з басейнам і лазняй прадаюцца ў ваколіцах Мінска

У Мінску прадаецца ідэальная кватэра для тых, хто сумуе па СССР. Від з акна — на манумент Перамогі, мэбля — вінтажная

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
5
Максим Дизайнер/адказаць/
20.04.2023
Зачем эта информация для памяркоуных попятьсотников + патриотической заграничной колбасы, которые и составляют основную аудиторию НН?
0
Гость/адказаць/
20.04.2023
Дом ‘’для жизни’’ в ‘’стране для жизни’’. Интересно сколько💵нужно для жизни?(попятьсот не предлагать).
0
Казік/адказаць/
21.04.2023
Ён жа жучкамі нашпігованы напэўна)
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера