Знайсці
08.04.2023 / 17:45РусŁacБел

Пад Быхавам прадаюць закінуты аэрадром стратэгічнай авіяцыі

Быхаўскі кансервава-агароднінасушыльны завод выставіў на продаж бетонную штучную ўзлётна-пасадачную паласу закінутага вайсковага аэрадрома стратэгічнай авіяцыі ў Быхаве. Аб'ява з'явілася на сайце «Белрэалізацыі».

Скрыншот з відэа

Бетонная паласа плошчай 483187 кв. м знаходзіцца ў Быхаве Магілёўскай вобласці. Там размяшчаўся адзін з найстарэйшых у гісторыі авіяцыі аэрадром. У савецкі час там базавалася авіягрупа стратэгічнай авіяцыі, якая ўваходзіла ў склад ВПС Балтыйскага флоту.

Першыя таргі прызначаныя антыкрызісным кіраўніком на 2 траўня, і стартавы кошт складае 15 600 000 беларускіх рублёў без ПДВ (каля 5,3 млн даляраў). Маёмасць прадаецца па фактычным стане на дату продажу, рэкамендуецца папярэдні агляд да набыцця.

Па ўмовах конкурсу пакупнік павінен не менш за адзін год выкарыстоўваць аб'ект паводле мэтавага прызначэння (вытворчасць сельскагаспадарчай прадукцыі).

Чытайце таксама:

У Гомелі збіраліся будаваць аквапарк, але замест яго паўстане аб'ект «Газпрама»

З чацвёртага разу прадалі старую панскую сядзібу ў Ганцавіцкім раёне

У Віцебскай вобласці ў красавіку прадаецца шэсць аб'ектаў гісторыка-культурнай спадчыны

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера