Расія дазволіла Беларусі лавіць мінтая на Далёкім Усходзе
Беларусь атрымала квоты на здабычу мінтая ў Далёкаўсходнім рыбагаспадарчым басейне. Працаваць там будуць сумесныя расійска-беларускія кампаніі.
Усяго беларускаму боку дазволена вылавіць у 2023 годзе 50 тысяч тон мінтая: у Заходне-Берынгаваморскай падзоне — 30 тысяч тон, у Паўночна-Ахотаморскай — 10 тысяч тон, у Камчацка-Курыльскай — 5 тысяч тон, у Заходне-Камчацкай — 5 тысяч тон. Пра гэта паведаміла Федэральнае агенцтва па рыбалоўстве Расіі.
Рашэнне было прынятае на сесіі Расійска-беларускай змяшанай камісіі ў галіне рыбнай гаспадаркі яшчэ 9 снежня 2022 года.
Чытайце таксама:
На Вілейскім вадасховішчы рыбак злавіў 30-кілаграмовага таўсталобіка. Змагаўся з рыбай 30 хвілін
Мінтай, хек, скумбрыя… Якую рыбу любяць беларусы і адкуль яе прывозяць?
«Рыбу любіце?» Дзеці расказалі Раману Галоўчанку, што яны любяць у школьным харчаванні ВІДЭА
