Знайсці
01.04.2023 / 22:4129РусŁacБел

Куды знікла ўдава Макея Вера Палякова? 

Пасля смерці міністра замежных спраў Уладзіміра Макея яго ўдава, акцёрка Вера Палякова, падобна, трапіла ў апалу. Яна прапала з тэлеэкранаў. Крыніцы «Нашай Нівы» кажуць, што такое не магло адбыцца без ведама Аляксандра Лукашэнкі. 

Вера Палякова. Скрыншот эфіру АНТ

Вера Палякова знікла з тэлебачання. Яшчэ незадоўга да 26 лістапада 2022 года, дзень смерці Макея, яна часта вяла праграму АНТ «Наша раніца».

Цяпер Палякова ў эфіры больш не з'яўляецца. У Аляксандра Сярэбраннікава іншая калега — Любоў Чаркашына, член выканкама беларускага Нацыянальнага алімпійскага камітэта (НАК), якая — цікавае супадзенне — прасунулася ў кар'еры ў часы кіравання ў НАК Максіма Рыжанкова, які пазней стаў антаганістам Макея ў дзяржапараце. 

Таксама, як нам стала вядома, заслужаная артыстка Беларусі і лаўрэатка медаля Францыска Скарыны Вера Палякова больш не вядзе мерапрыемстваў для рэжымнага істэблішменту. 

«А блізкія да рэжыму бізнэсмены, якія раней падтрымлівалі Тэатр юнага гледача, якім кіруе Палякова, сталі адмаўляць у просьбах падтрымкі тых ці іншых праектаў. Цікавае супадзенне», — сказаў «Нашай Ніве» чалавек з тэатральнай сферы. 

Актрыса працягвае выступаць разам з тэатральным праектам «ТрыТфармаТ», днямі трупа ездзіла ў Бярозу паказваць спектакль «Карэніна».

«Без ведама Лукашэнкі, а хутчэй за ўсё — і па прамым распараджэнні, Палякова не магла быць адпраўленая ў апалу адразу пасля смерці Макея», — сказаў нам адзін з абазнаных суразмоўцаў. 

Чытайце таксама:

Прычына смерці Уладзіміра Макея — суіцыд

Вера Палякова — другая жонка Уладзіміра Макея. 

У пары ў 2009 годзе нарадзіўся сын Арцём. 

Віталь Макей, старэйшы сын Макея ад першага шлюбу, не сядзеў побач з Паляковай ля труны, а развітаўся з бацькам ужо на могілках. 

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
пощадите человечество/адказаць/
03.04.2023
Брэст сіла, знаете что...
я уже сама боюсь своих глаз... 
2
кукла/адказаць/
03.04.2023
"а то без него совсем зачах театр" а когда это при нем хоть один театр расцвел? убить Купалаўскі ў 100-годзе гэта талент канечне трэба мець) за гэта латушцы трэ будзе даць асаблівы медаль ;)
1
Петрушидло/адказаць/
03.04.2023
кукла, да, пошел на поводу у бывшей труппы и коллектива Купаловского. А ведь мог и сегодня жить-не-тужить и директорствовать над русскими театральными гастарбайтерами. Не профутурочил, пускай теперь вместе с Пинигиным завидует Шестакову и Нефедовой.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера