Пуцін можа прыехаць у Турцыю ў красавіку. Там яго не затрымаюць
Прэзідэнт Турцыі Рэджэп Эрдаган у інтэрв’ю сказаў, што Уладзімір Пуцін можа наведаць Турцыю 27 красавіка, каб узяць удзел у адкрыцці атамнай электрастанцыі «Акую», якую будаваў «Расатам», паведамляе Еўрапейская праўда.
Рэджэп Таіп Эрдаган і Уладзімір Пуцін. Фота: Vyacheslav Prokofyev, Sputnik, Kremlin Pool Photo via AP
«Пуцін можа прыляцець у Турцыю 27 красавіка на цырымонію адкрыцця або ўзяць удзел у цырымоніі ў рэжыме анлайн», — сказаў Эрдаган.
Турцыя не ратыфікавала Рымскі статут, таму не прызнае рашэнне Міжнароднага крымінальнага суда. У выпадку візіту Пуціна турэцкія праваахоўнікі не будуць абавязаныя выконваць рашэнне МУС, які выдаў ордар на арышт расійскага прэзідэнта.
Чытайце таксама:
У Міжнародным крымінальным судзе выдалі ордар на арышт Уладзіміра Пуціна
«Відавочна, што ён здзяйсняў ваенныя злачынствы» Джо Байдэн — пра ордар на арышт Уладзіміра Пуціна
