Знайсці
29.03.2023 / 18:515РусŁacБел

У Гродне правялі ўнікальную медыцынскую аперацыю

Лекары аддзялення сасудзістай хірургіі Гродзенскай універсітэцкай клінікі выдалілі 75-гадовай пацыентцы анеўрызму соннай артэрыі дыяметрам 12—13 сантыметраў, піша часопіс «Медыцынскі веснік». 

Пацыентка да аперацыі. Фота: Павел Гарачаў 

Пацыентка намацала невялікі шарык у сябе на шыі 13 гадоў таму. Па выніках УГД і камп'ютарнай тамаграфіі лекары выявілі 4-сантыметровую анеўрызму соннай артэрыі (пашырэнне ўчастка сасуда са станчэннем яго сценкі).

Хірургі папярэдзілі жанчыну, што пры аперацыі вельмі высокая рызыка смяротнага зыходу, таму жанчына ад хірургічнага ўмяшання адмовілася. Тым больш што гэтае ўтварэнне спачатку яе не турбавала.

Аднак чатыры гады таму анеўрызма пачала расці і выклікаць моцныя галаўныя болі. У выніку ў жанчыны здарыўся ішэмічны інсульт. Без аперацыі была высокая рызыка паўторнага інсульту і смерці.

«Анеўрызма шчыльна зраслася з навакольнымі тканкамі, яе аддзяленне ад іншых сасудаў, нерваў, цягліц гартані, падсківічнай вобласці шыйнага аддзела пазваночніка выглядала досыць складаным», — расказаў загадчык аддзялення сасудзістай хірургіі Гродзенскай універсітэцкай клінікі Павел Гарачаў.

Нягледзячы на складанасці, аперацыя скончылася паспяхова і заняла каля дзвюх гадзін. Пасляаперацыйнае аднаўленне, на думку лекараў, прайшло добра. Зараз жанчына назіраецца ў спецыялістаў.

Пацыентка пасля аперацыі. Фота: Павел Гарачаў

Гэтая аперацыя — дастаткова ўнікальная, так як спецыялісты не знайшлі ў медыцынскіх крыніцах апісання аперацый па выдаленні анеўрызмы такога памеру за апошнія 20 гадоў, у тым ліку і ў еўрапейскай практыцы. 

Чытайце таксама:

Лекар выразаў пацыенту замест хворай ныркі здаровую. Яму далі «хатнюю хімію»

Беларусу, якому пагражае параліч пасля збіцця сілавікамі ў 2020-м, сабралі больш за 65 тысяч злотых

Што за аперацыю зрабіў Кіркораў, каб мець кубікі на прэсе? Расказваем механізм

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
29.03.2023
 ̷н̷а̷ ̷м̷а̷м̷у̷ ̷к̷о̷е̷-̷к̷о̷г̷о̷ ̷п̷о̷х̷о̷ж̷а̷ ̷н̷у̷ ̷и̷л̷и̷ ̷б̷а̷б̷у̷ш̷к̷у̷
29.03.2023
Представляете, что будет, если убрать лукашизм? Все расцветет
0
Максим Дизайнер/адказаць/
30.03.2023
Наши белорусские умнички. И еще одна счастливая беларуска. Молодец, что не постеснялась сфотографироваться до и после.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера