Знайсці
28.03.2023 / 16:56РусŁacБел

У Польшчы затрымалі яшчэ трох чалавек з расійскай шпіёнскай сеткі

Днямі Агенцтва ўнутранай бяспекі Польшчы (ABW) затрымала яшчэ трох чалавек, якія дзейнічалі ў рамках нядаўна раскрытай расійскай шпіёнскай сеткі. Пра гэта Польскаму прэс-агенцтву паведаміў намеснік міністра — каардынатара спецслужбаў Польшчы Станіслаў Жарын.

Усяго, такім чынам, па гэтай справе ўжо затрыманыя 12 чалавек.

«ABW устанавіла далейшых асоб, якія дзейнічалі ў рамках шпіёнскай сеткі, ліквідаванай раней. Мы маем справу з затрыманымі, якім былі прад'яўленыя абвінавачванні ў шпіёнскай дзейнасці і функцыянаванні ў арганізаванай злачыннай групе, а таксама з асобамі, якія цяпер знаходзяцца пад вартай, згодна з адпаведным судовым рашэннем», — паведаміў Жарын.

Ён дадаў, што карціна дзейнасці групы, якая была вызначаная пасля папярэдніх затрыманняў, застаецца актуальнай.

«Гаворка ідзе пра асобаў, якія дзейнічалі ў складзе групы, якой кіравалі расійскія спецслужбы. Яны выконвалі пэўныя задачы па даручэнні расійскіх спецслужбаў, якія з'яўляюцца часткай дзейнасці тыпова разведвальнага характару, але таксама і прапагандысцкага. Гэта цэлая сетка людзей, якія мелі задачу збіраць інфармацыю аб маршрутах і транспартных сродках, якія даюцца Украіне, але гэтыя людзі таксама распаўсюджвалі спецыфічны кантэнт, замоўлены расійскім бокам у рамках актыўнай прапагандысцкай дзейнасці супраць Польшчы», — адзначыў ён.

Намеснік міністра — каардынатара спецслужбаў падкрэсліў, што справа «патрабуе шырокіх актыўных захадаў з боку ABW, якому дапамагаюць іншыя службы». 

Упершыню пра тое, што Агенцтва ўнутранай бяспекі ліквідавала шпіёнскую сетку, якая дзейнічала на карысць Расіі, заявіў кіраўнік Міністэрства ўнутраных спраў і міністр — каардынатар спецслужбаў Марыюш Камінскі 16 сакавіка.

Чытайце таксама:

Вайсковая контрразведка Польшчы выявіла яшчэ аднаго іншаземца, якога падазраюць у працы на лукашэнкаўскія спецслужбы

У Польшчы затрымалі яшчэ аднаго расійскага шпіёна. Яго грамадзянства не раскрываецца

Новыя дэталі пра затрыманых у Польшчы беларусаў, якіх вінавацяць у шпіянажы на карысць Расіі

Прапаганда спачатку іх абяляла, а пасля змяніла тон. Што вядома пра затрыманых у Польшчы беларусаў, якіх вінавацяць у шпіянажы на карысць Расіі

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера