У Беларусі стварылі ўласныя сарты фундуку і персікаў
У Беларусі пачалі вырошчваць персікі і фундук. У тым ліку ўжо нават вывелі першыя айчынныя сарты гэтых пладоў, паведаміў дырэктар РУП «Інстытут пладаводства» Аляксандр Таранаў.
Плантацыя фундуку пад Маладзечнам
«Надаецца ўвага такой культуры, як фундук. Створаныя тры айчынныя сарты — «Лал», «Яшма» і «Аркадзь». Па гэтай культуры нашым інстытутам арганізаванае навуковае суправаджэнне», — расказаў Таранаў.
Паводле яго інфармацыі, у Маладзечанскім раёне ўжо закладзеныя «дзясяткі гектараў фундуку». Таксама з'явіўся першы раяніраваны гатунак персіка — «Лойка». Ён арыентаваны на прысядзібныя гаспадаркі, прычым для ўсіх абласцей краіны.
«Вывучаюцца і інтрадуцыраваныя сарты, і, калі будзе неабходнасць у кансультацыях па закладцы насаджэнняў, мы дапаможам», — дадаў Таранаў.
Чытайце таксама:
Беларускі арэхавы цуд. Пад Маладзечнам ёсць цэлыя плантацыі фундука, пра якія мала хто чуў
Жыхар Ваўкавыска са свайго сада персікі носіць вёдрамі. І ўсім рэкамендуе ФОТЫ
