Знайсці
28.03.2023 / 12:1321РусŁacБел

Дарадца прэзідэнта Літвы пра абмежаванні для беларусаў: Падчас вайны гэта неабходна

Галоўны дарадца прэзідэнта Гітанаса Наўседы ў пытаннях нацыянальнай бяспекі Кястуціс Будрыс кажа, што, паколькі вайна Расіі ва Украіне працягваецца, Літва павінна ўвесці абмежаванні на атрыманне грамадзянамі Расіі і Беларусі грамадзянства Літоўскай Рэспублікі, піша Delfi.

Па словах дарадцы кіраўніка краіны, гэта трэба, каб, калі ў наступным годзе ў краіне будзе праведзены рэферэндум аб множным грамадзянстве, не спатрэбілася пашыраць кола выхадцаў з краін-агрэсараў, якія маюць права на набыццё грамадзянства Літвы. Таму, працягнуў ён, неабходнае больш строгае рэгуляванне.

«Такое абмежаванне падчас вайны, калі Расія і Беларусь ажыццяўляюць агрэсію супраць Украіны — неабходнае, пакуль у нас такая сітуацыя, пакуль яна не змянілася. Тут я б у першую чаргу засяродзіўся на найбліжэйшых рашэннях, якія звязаныя з вайной у рэгіёне. Мы не можам дазволіць сабе пашыраць кола асоб з падвойным грамадзянствам з гэтых дзяржаў», — сказаў К. Будрыс.

Аднак дарадца Г. Наўседы адзначыў, што ў доўгатэрміновай перспектыве, магчыма, прыйдзецца шукаць рашэнні, якія дазволілі б перагледзець прапанаваныя абмежаванні. Спрасціць працэдуру атрымання грамадзянства можна будзе толькі ў тым выпадку, калі сітуацыя з бяспекай у рэгіёне істотна зменіцца, а Масква спыніць баявыя дзеянні ва Украіне.

«У доўгатэрміновай перспектыве ў нас усё ж павінны быць прадугледжаныя механізмы для перагляду ўсяго гэтага, калі сітуацыя зменіцца, што вельмі і вельмі малаверагодна», — падкрэсліў ён. Цяпер у Сейме ідзе абмеркаванне прапановы міністра ўнутраных спраў Агне Білатайце і старшыні парламенцкага камітэта па нацыянальнай бяспецы і абароне Лаўрынаса Кашчунаса прыпыніць прыём заяў грамадзян Расіі і Беларусі і рашэнняў па іх адносна грамадзянства Літоўскай Рэспублікі. Па словах ініцыятараў, апошняя прапанова прадстаўленая пасля ацэнкі значэння інстытута грамадзянства і з мэтай не дапусціць атрымання грамадзянства Літвы грамадзянамі тых краін, якія ўдзельнічаюць у расійскай агрэсіі супраць Кіева.

Чытайце таксама:

Офіс Ціханоўскай пракаментаваў новы закон, які могуць прыняць па беларусах у Літве

Беларусам могуць забараніць выдачу віз і дазволаў на жыхарства ў Літве. Новы законапраект у пытаннях і адказах

У Літве хочуць прыпыніць прыём заяў на грамадзянства ад беларусаў і расіян

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
1
Жвир/адказаць/
28.03.2023
Літвін, это ж ничего не меняет, да и пофик иншым, что вам на них плевать. Иншыя о вас даже слыхом не слыхивали. Главное из себя не выходите, вдруг потом не вернётесь, или дверь захлопнется, или домофон сломается... 🤸
1
Уехавший/адказаць/
28.03.2023
Вообще-то большинство уехавших в Литву продумывают о переезде в Германию, Испанию, Данию, Голландию, и на худой конец в Чехию или Польшу. В Литве перспектив хорошей жизни мало. Это только таким как Жвир здесь хорошо. Вот сами бы здесь и жили….
0
Эмигрант/адказаць/
29.03.2023
Литва вправе принимать любые законы в своих интересах, но белорусские айтишники долго ждать не будут, они просто соберут вещи и уедут в другие страны, раз и здесь жить нормально не дают. Также как и уехали из РБ. Поэтому если Литве не нужны доходы от налогов переехавшего бизнеса, ну что ж тут поделать… а сами они не построят такие компании как Епам, ВГ и тд.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера