На цырымонію адкрыцця помніка аўтару бела-чырвона-белага сцяга прыляцелі нашчадкі ўратаваных ім людзей
У Коўне 25 сакавіка ўрачыста адкрылі новы помнік на магіле вядомага беларускага дзеяча, інжынера Клаўдзія Дуж-Душэўскага, які з'яўляецца аўтарам эскізу бела-чырвона-белага сцяга.
У цырымоніі ўзялі ўдзел праўнук інжынера Дуж-Душэўскага, а таксама нашчадкі яўрэяў, якіх стваральнік бела-чырвона-белага сцяга ўратаваў ад нацысцкага генацыду ў Другую сусветную вайну. Яны для гэтага адмыслова прыляцелі здалёк.
Цырымонія прайшла пад беларускімі і літоўскімі сцягамі з удзелам ганаровай варты. На ёй прысутнічала часовая павераная ў справах Літоўскай Рэспублікі ў Рэспубліцы Беларусь Аста Андрыяўскене.
Выступае праўнук Клаўдыя Дуж-Душэўскага. Справа ад яго — паэтка Ванда Марціньш
Пры адкрыцці помніка было сказана некалькі прамоў, ад Офіса Святланы Ціханоўскай выступіў яе дарадца Аляксандр Дабравольскі.
Усяго на цырымоніі прысутнічала каля 120 чалавек.
З Вільні ў Коўна дзеля ўдзелу ў ёй прыехала цэлая аўтакалона пад бела-чырвона-белымі сцягамі.
На цырымоніі сярод іншых прысутнічалі оперная спявачка Маргарыта Ляўчук, прадюсар і прадстаўнік Рады культуры Аляксандр Чахоўскі, былы палітвязень Зміцер Фурманаў
Клаўдзій Дуж-Душэўскі (1891—1959) — сябра Рады БНР, аўтар праекта бела-чырвона-белага сцяга, архітэктар Літбудпраекта і дацэнт Ковенскага ўніверсітэта. Двойчы быў арыштаваны савецкімі ўладамі, вязень нямецкага канцлагера. За дапамогу яўрэям падчас Другой сусветнай вайны пасмяротна ўзнагароджаны прэзідэнтам Літвы.
Чытайце таксама:
Як бел-чырвона-белы сцяг стаў нацыянальным
«Наш сцяг тапталі і нішчылі, а ён жыве». Апошняе інтэрв'ю гісторыка Уладзіміра Ляхоўскага
а яшчэ ведаю, як мясцовыя казалі... габрэй - гэта чысты, а ж*д - мяшаны з мясцовымі
вось неяк так...