Знайсці
25.03.2023 / 10:404РусŁacБел

Макрон таемна зняў дарагі гадзіннік падчас інтэрв'ю аб пенсійнай рэформе. Яго абвінавацілі ў крывадушнасці ВІДЭА

Прэзідэнт Францыі Эмануэль Макрон апынуўся пад агнём крытыкі пасля таго, як падчас тэлеінтэрв'ю аб пенсійнай рэформе, якая выклікала масавыя пратэсты ў краіне, зняў пад сталом дарагі гадзіннік, піша Бі-бі-сі.

Пасля выхаду інтэрв'ю ў эфір прэс-служба Макрона заявіла, што прэзідэнт Францыі зняў гадзіннік, бо ён гучна ўдарыў па стале.

У Францыі ў разгары пратэсты з нагоды прэзідэнцкай ініцыятывы аб павышэнні пенсійнага ўзросту. Макрон хоча павысіць яго з 62-х да 64-х гадоў.

Інтэрв'ю бралі ў сераду — Макрону задалі пытанне, пасля чаго ён рэзка апусціў рукі на стол, і пачуўся гук ад удару гадзінніка аб паверхню. Потым Макрон апусціў рукі пад стол, не перастаючы гаварыць, а калі тэлегледачы зноў убачылі рукі, гадзінніка ўжо не было.

Жэст Макрона прыцягнуў увагу крытыкаў і апазіцыі. Клеманс Гуэт, дэпутат ад левай партыі «Няскораная Францыя», абвінаваціла прэзідэнта ў крывадушнасці.

Неўзабаве пасля інтэрв'ю ў сацсетках з'явіліся сцвярджэнні, што гадзіннік прэзідэнта каштуе каля 86 тысяч даляраў, але ў Елісейскім палацы заявілі, што гэта не так. Там назвалі марку гадзінніка Макрона, гэта Bell & Ross BR V1-92 з персанальным гербам. Аналагічныя мадэлі без герба ў інтэрнэце можна купіць за 2400 еўра (2600 даляраў).

«Ён носіць гэты гадзіннік рэгулярна ўжо паўтара года», — дадалі ў Елісейскім палацы.

У Францыі працягваюцца пратэсты з-за пастановы ўрада правесці закон аб павышэнні пенсійнага ўзросту праз ніжнюю палату парламента, дзе ў яго няма абсалютнай большасці, без галасавання. У пятніцу з-за пратэстаў адмяніў свой візіт у Францыю кароль Вялікабрытаніі Карл III.

Лідары прафсаюзаў заклікаюць працягваць пратэсныя выступленні, каб не дапусціць павышэння пенсійнага ўзросту ў краіне з 62 да 64 гадоў. Наступная дэманстрацыя прызначаная на аўторак.

Па даных Міністэрства ўнутраных спраў, у чацвер на вуліцы гарадоў па ўсёй краіне выйшла больш за мільён пратэстоўцаў, з іх каля 120 тысяч — у Парыжы. У сталіцы дэманстрацыі месцамі перараслі ў беспарадкі, і паліцыя ўжыла слезацечны газ, каб разагнаць пратэстоўцаў.

Па ўсёй краіне было затрымана 475 чалавек, 441 супрацоўнік паліцыі атрымаў раненні.

Чытайце таксама:

Макрон: Я хачу перамогі Украіны, але супраць таго, каб Расія была раздушаная

Макрон абвясціў пра заканчэнне эпохі «французскай Афрыкі»

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
25.03.2023
Вось табе і дэмакратыя — прымаюць законы без удзелу парламента.
25.03.2023
Дэмакратыя - гэта не "прыманьне законау парляментам", такое i у Беларусi ёсьць. Дэмакратыя - гэта як раз магчымасьць для людзей выходзiць з пратэстам супраць бязглуздых законау i дамагацца iх адмены.
0
прынцэсы какаюць бабачками/адказаць/
25.03.2023
VmAjjwa4491yTQ, да я пойду им там и накакаю за шторой

как вообщем-то и принято было делать во дворцах... ах 
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера