Знайсці
24.03.2023 / 19:581РусŁacБел

УЕФА разгледзіць пытанне выключэння беларускага футбола з міжнародных спаборніцтваў

УЕФА хоча абмеркаваць выключэнне зборнай Беларусі і беларускіх клубаў са ўсіх спаборніцтваў, паведамляе нямецкае выданне Sportschau.

«УЕФА ўжо даўно мае намер абмеркаваць становішча Беларусі на маючым адбыцца пасяджэнні нашага Выканаўчага камітэта», — гаворыцца ў лісце кіраўніка арганізацыі Аляксандра Чэферына, адрасаваным больш як 100 членам Еўрапейскага парламента.

Гэты ліст — адказ на заклік парламентарыяў да УЕФА выключыць з УЕФА, акрамя камандаў з Расіі, каманды з Беларусі праз вайну супраць Украіны.

«Як усе гэтыя факты можна суаднесці з каштоўнасцямі УЕФА і матчамі УЕФА, што павінны быць сімвалам міру і супрацоўніцтва, якія ўвасоблены ў футбольнай сямʼі? — пісалі дэпутаты. — Сам факт удзелу зборнай Беларусі ў чэмпіянаце УЕФА пазней будзе выкарыстаны Лукашэнкам і яго прапагандысцкай камандай, каб даказаць, што яго добра прымаюць у міжнароднай супольнасці».

Паводле інфармацыі Sportschau, на пасяджэнні, якое адбудзецца 4 красавіка ў Лісабоне, будзе абмяркоўвацца канкрэтнае пытанне аб дыскваліфікацыі каманд з Беларусі.

Чытайце таксама:

Дэпутаты Еўрапарламента заклікалі УЕФА адхіліць зборную Беларусі ад удзелу ў кваліфікацыях да ЧЕ — 2026

«Зберагчы дзяцей ад страты зроку, наступнага суіцыду». Новы старшыня АБФФ расказаў, што збіраецца рабіць з беларускім футболам

Глеб, Кутузаў, Румас? Хто выратуе белфутбол — разважаюць адмыслоўцы

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Ответ/адказаць/
24.03.2023
Ответ шведу и стараниям его прокуратуры...
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера