ЗША ўвялі новыя санкцыі ў дачыненні да беларускіх кампаній, фізічных асоб і самалёта Лукашэнкі
Як тлумачыць Мінфін ЗША, Упраўленне па кантролі за замежнымі актывамі (OFAC) унесла ў чорны спіс «Боінг» Лукашэнкі, два аўтазаводы і шэраг фізічных асоб.
«Боінг 737», якім карыстаецца Лукашэнка, патрапіў пад санкцыі таму, што ён і яго сям'я выкарыстоўваюць лайнер для асабістых і міжнародных паездак. Пад абмежаванні трапілі таксама МАЗ і БелАЗ.
Таксама Дзярждэпартамент увёў візавыя абмежаванні яшчэ ў дачыненні да 14 чалавек, у тым ліку для службовых асоб. Пад абмежаваннямі аказаліся дырэктары МАЗа і БелАЗа Валерый Іванковіч і Сяргей Нікіфаровіч.
Абмежаванні таксама закранулі членаў ЦВК: Ігара Карпенку, Алену Балдоўскую, Дзяніса Дука, Алену Кунцэвіч, Аляксандра Ткачова, Кацярыну Федасенка, Аляксандра Южына.
Чытайце таксама:
«Хіба адбылося нешта пазітыўнае?» Прэзідэнт Літвы супраць змякчэння санкцый адносна рэжыму Лукашэнкі
Брытанскі суд адхіліў пазоў Synesis аб зняцці санкцый
ISW: Санкцыі супраць Беларусі могуць быць недастатковымі, каб перашкодзіць Расіі абыходзіць санкцыі
