Знайсці
23.03.2023 / 09:2618РусŁacБел

Вашынгтон аб’явіў «стратэгічны дыялог» з дэмсіламі Беларусі. Што гэта значыць і чаму толькі з канца года?

Пра запуск стратэгічнага дыялогу было аб’яўлена сёння на сустрэчы Ціханоўскай з намесніцай дзяржсакратара ЗША Вэндзі Шэрман.

Святлана Ціханоўская і Вэндзі Шэрман. Фота: Фото: twitter.com / DeputySecState

21—28 сакавіка Святлана Ціханоўская знаходзіцца з візітам у Вашынгтоне. 

Галоўнай адметнасцю цяперашняга візіту стала аб’яўленне штогадовага ўсебаковага стратэгічнага дыялогу паміж урадам ЗША і беларускімі дэмакратычнымі сіламі, які плануецца запусціць у канцы 2023 года. Пра гэта было аб’яўлена сёння на сустрэчы Ціханоўскай з намеснікам дзяржсакратара ЗША Вэндзі Шэрман.

Амерыканскаму боку патрэбны час, каб падрыхтавацца да пачатку дыялогу, выбудаваць графік, вызначыць канкрэтныя тэмы для абмеркавання.

ЗША будуць прадстаўляць адпаведныя ведамствы ўрада, якія займаюцца Беларуссю, беларускі бок — палітычныя лідары дэмсілаў, прадстаўнікі грамадзянскай і акадэмічнай супольнасці. 

Што будуць абмяркоўваць бакі? Сярод праблемаў — падтрымка незалежных СМІ і грамадзянскай супольнасці, зменлівы характар умоў бяспекі Беларусі і вакол яе ў кантэксце вайны Расіі ва Украіне, а таксама развіццё прамых сувязей паміж народамі ЗША і Беларусі.

Пачатак усебаковага дыялогу з беларускімі дэмакратычнымі сіламі — гэта «моцны вотум даверу з боку ЗША да патэнцыялу, самаадданасці і намаганняў дэмакратычных сілаў». 

Агенцтва ЗША па міжнародным развіцці супрацоўнічае з беларускім народам цягам апошніх 20 гадоў. «Сёння USAID падтрымлівае дэмакратычны рух Беларусі, нягледзячы на ўзмацненне рэпрэсій з боку рэжыму Лукашэнкі: мы дапамагаем незалежным СМІ, грамадзянскай супольнасці і прыватнаму сектару прадстаўляць жыццяздольныя альтэрнатывы, якія заслугоўваюць даверу, дзяржаўным інстытутам».

За апошнія два фінансавыя гады ЗША выдзелілі больш за 60 мільёнаў даляраў у выглядзе замежнай дапамогі на падтрымку незалежнай прэсы, грамадзянскай супольнасці, прыватных беларускіх прадпрыемстваў.

Чым будзе адрознівацца новы віток стратэгічнага дыялогу ад цяперашніх адносін паміж урадам ЗША і дэмакратычнымі сіламі Беларусі?

«Дагэтуль адносіны паміж дэмакратычнымі сіламі (ці то Ціханоўская, ці то АПК, ці то Каардынацыйная рада) насілі нефармальны і нерэгулярны характар. Сёння аб’яўлена пра рэгулярны дыялог паміж ЗША і беларускімі дэмакратычнымі сіламі. Гэта азначае, што ўвесь дзяржаўны апарат ЗША, усе ведамствы, якія працуюць з Беларуссю, будуць удзельнічаць у дыялогу.

Звычайна ЗША выбудоўваюць стратэгічныя дыялогі з іншымі краінамі, а ў нашым выпадку дыялог выбудоўваецца менавіта з дэмакратычнымі сіламі, і гэта павышае характар гэтых адносінаў», — патлумачыў прадстаўнік амбасады ЗША.

Чытайце таксама:

Офіс Ціханоўскай пракаментаваў новы закон, які могуць прыняць па беларусах у Літве

Ціханоўская пра свой прысуд: Сёння я думаю пра тых, каму суд даў рэальныя, а не завочныя тэрміны

Савіных спрабаваў сарваць выступ Ціханоўскай перад ПА АБСЕ. Але не выйшла, і ён пакінуў залу

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
5
American /адказаць/
23.03.2023
да ничего это не значит. администрация Байдена непрофессиональное непоследовательное убожество.
4
дочка Максима Дизайнера/адказаць/
23.03.2023
оттенки коричневого...
1
Valadzimir/адказаць/
26.03.2023
А я быў падумаў, што там абмяркоўваўся праект беларуска-амерыканскага кулінарнага шоу.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера