Знайсці
22.03.2023 / 13:59РусŁacБел

Прысуджана прэмія імя Міхася Ткачова

Прэзідыум Беларускай сацыял-дэмакратычнай партыі (Грамады) прысудзіў прэмію імя Міхася Ткачова.

Рыгор Лазько. Фота: «Настаўніцкая газета»

Прэмія прысуджаецца кожныя два гады за найлепшую навуковую працу (ці цыкл прац) з гісторыі беларускага сацыялістычнага руху і беларускай дзяржаўнасці, а таксама за працы, прысвечаныя дзеячам беларускага сацыялістычнага руху.

Першая прэмія была прысуджана ў 2021 годзе Аляксею Елісееву за кнігу «Зміцер Жылуновіч: Чырвоны адраджэнец».

Сёлета прэміяй імя Міхася Ткачова ўганараваны Рыгор Лазько.

Рыгор Лазько нарадзіўся ў 1948 годзе. Ён доктар гістарычных навук, прафесар, да нядаўняга часу працаваў на кафедры ўсеагульнай гісторыі Гомельскага дзяржаўнага ўніверсітэта імя Францыска Скарыны. Даследаваў палітыку Польшчы ў 1918—1939 гг., польска-беларускія адносіны, а таксама беларускія праблемы ў польска-савецкіх адносінах.

Прэміяй імя Міхася Ткачова прафесар Рыгор Лазько ўганараваны за апублікаваныя ў 2005—2021 гг. артыкулы, у якіх даследуюцца пэўныя моманты з гісторыі Беларускай Народнай Рэспублікі, а таксама падзеі, што папярэднічалі абвяшчэнню Беларускай Савецкай Сацыялістычнай Рэспублікі.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
7
Панылы сорам
0
Ха-ха
0
Ого
0
Сумна
0
Абуральна
0
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера