Знайсці
20.03.2023 / 21:506РусŁacБел

Мяняюць кіраўніка наваполацкай калоніі, дзе сядзяць Бабарыка і Лосік 

У папраўчай калоніі №1, дзе адбываюць свае тэрміны такія вядомыя асобы, як Віктар Бабарыка, Ігар Лосік і стрыечны брат Паўла Латушкі, мяняюць начальніка, даведалася «Зеркало». Выданню на падставе сведчанняў дзвюх не звязаных паміж сабой крыніц стала вядома, што Андрэй Пальчык, які раней кіраваў установай, больш не займае гэтую пасаду.

Андрэй Пальчык

Паводле сваячкі аднаго са зняволеных, які знаходзіцца ў гэтай калоніі, інфармацыя, што Пальчык хутка не будзе начальнікам ПК №1, з'явілася ў чаце, дзе размаўляюць родныя асуджаных, на пачатку сакавіка. Адной з дзяўчат, муж якой там сядзіць, нібыта трэба было падпісаць у Пальчыка заяву і яна доўга чакала, пакуль ён вызваліцца з нейкай нарады. Падчас гэтага чакання 1 сакавіка ахоўнік нібыта ёй сказаў, што ў Пальчыка сёння апошні працоўны дзень. А праз некалькі дзён з'явілася інфармацыя, што часовы выканаўца абавязкаў начальніка калоніі цяпер Вячаслаў Журко. Куды падзелі Пальчыка, гэты інфарматар не ведае.

Пра тое, што Андрэй Пальчык больш не начальнік ПК №1, «Зеркалу» расказаў і экс-палітвязень Аляксандр Кабанаў, які адбываў у гэтай установе частку тэрміну.

«Дзесьці месяц таму Пальчыка адправілі начальнікам калоніі-пасялення, якая цяпер будуецца або рэканструюецца. У якім горадзе, не памятаю, — кажа Аляксандр Кабанаў. — Ёсць цікавы нюанс: усе думалі, што Пальчык пойдзе начальнікам УДВП па Віцебску (гаворка аб Упраўленні Дэпартамента выканання пакаранняў МУС па Віцебскай вобласці), гэта значыць, на павышэнне. А тут яго адпраўляюць у калонію-пасяленне, якая рангам ніжэйшая за ПК».

Вячаслаў Журко, які цяпер часова выконвае абавязкі начальніка калоніі, пры Пальчыку быў, па словах Кабанава, намеснікам начальніка па аператыўнай і рэжымнай рабоце.

З чым менавіта звязаны перавод Андрэя Пальчыка з ПК №1, Аляксандр Кабанаў дакладна не ведае. Адна з яго здагадак: у калоніі было зашмат парушэнняў і «не дзейнічаць было непрыгожа».

У прыёмнай начальніка ПК №1, куды журналісты «Зеркала» патэлефанавалі як звычайныя грамадзяне, каб запісацца на прыём да кіраўніцтва, сказалі, што прыём грамадзян цяпер праводзіць «выканаўца абавязкаў». Пытанне, ці працуе яшчэ Андрэй Пальчык, пакінулі без адказу. 

Чытайце таксама:

Палітзняволены блогер Ігар Лосік здзейсніў спробу суіцыду ў калоніі — праваабаронцы

Блогер Кабанаў, які сядзеў у наваполацкай калоніі, пра тое, чаму вязні не вытрымліваюць умоў там

«Ключыца не так зраслася і костка ўпіраецца ў горла». Новыя сведчанні здзекаў са зняволеных у наваполацкай калоніі

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
2
Цікавыя вы людзі/адказаць/
21.03.2023
Не-не, і хто яго пасадзіць мо эскортнтцы з кветкамі???
0
Занатуем/адказаць/
22.03.2023
Кар'ерны садзюга.
0
Woodoo Cult /адказаць/
24.03.2023
А что за известная личность двоюродный брат павла латушки, подскажите?
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера