З'явіўся анлайн-курс англійскай мовы па-беларуску
Пакуль толькі для школьнікаў. Пра гэта Наталка Харытанюк напісала ў сваім фэйсбуку.
Фота: AP
«Запусцілася яшчэ адна добрая справа — мы разам з камандай запісалі ўрокі ангельскай па-беларуску (і па-ангельску, натуральна)! Пакуль — для 5 класа, 4-й чвэрці, якая неўзабаве пачнецца. Паводле школьнага падручніка Л. М. Лапіцкай, з нашымі хітрыкамі і мнематэхнікамі ды з прыцэлам — пераказаць беларускі школьны курс ангельскай нашым дзеткам (і дарослым!), сагрэць, так бы мовіць, замежную мову!
Правадніком у свет ангельшчыны гэтым разам будзе Макс — малады праграміст з Маладзечна, які вандруе па свеце, і яго верны сябар — сабака Джынджэр.
Ды што я ўсё расказваю — глядзіце самі, на карысць і дзеля добрых спраў. Спасылка — у першым каментары», — напісала Наталка Харытанюк у сваім фэйсбуку.
