Знайсці
20.03.2023 / 20:173РусŁacБел

З'явілася нейрасетка, якая зробіць ветлівым любое гнеўнае пасланне з абразамі. Выпрабавалі яе на выказваннях лукашыстаў

Як бы маглі выглядаць «акультураныя» Азаронак і Шпакоўскі.

Зусім нядаўна быў створаны новы штучны інтэлект, які можа ператварыць любыя гнеўныя і мацюкальныя нападкі ў ветлівыя і выхаваныя звароты.

Нейрасетка PolitePost першапачаткова была створана для змякчэння працоўных электронных перапісак, аднак ёй можна паспрабаваць знайсці прымяненне абсалютна ў любых жыццёвых сітуацыях, калі цяжка сябе стрымліваць.

Мы вырашылі яе пратэставаць на выказваннях лукашыстаў.

Праграма пры ўводзе інфармацыі, акрамя англійскай мовы, добра ўспрымае беларускую і рускую мовы, аднак вынікі усё роўна выдае на англійскай. Для зручнасці на скрыншотах мы перакладалі іх праз убудаваны ў браўзэр перакладчык ад Google.

Для лепшай якасці скрыншотаў (асабліва, калі вы чытаеце гэты матэрыял з тэлефона) рэкамендуем вам на іх націснуць.

Лукашэнка: «Не гніда, а выдатны лідар»

Спачатку мы вырашылі праверыць магчымасці гэтай нейрасеткі на нядаўнім абразлівым выказванні Аляксандра Лукашэнкі, у якім той абазваў прэзідэнта Украіны Уладзіміра Зяленскага «гнідай».

Па выніку праграма не проста змякчыла рыторыку Лукашэнкі, але і ўвогуле зрабіла яе вельмі праўкраінскай. 

Шпакоўскі: «Я ласкава прашу нас устрымацца ад прыніжальных выразаў»

Не адыходзячы далёка ад тэмы абразы Зяленскага, мы паглядзелі, як нейрасетка папрацуе з прапагандыстам Аляксандрам Шпакоўскім. 

Мы ўзялі яго каментар да вышэйзгаданага выказвання Лукашэнкі, у якім Шпакоўскі кажа, што Лукашэнка не даваў гарантый адносна недатыкальнасці кіраўніцтва Украіны. 

Нейрасетка прадставіла свой варыянт паводзін прапагандыста, пры якім ён заклікае прыхільнікаў рэжыму «ўстрымлівацца ад абраз і паважаць годнасць усіх людзей», а таксама адзначае, што «Лукашэнка нікому з іх не даваў абяцанняў іх абараняць».

Азаронак: «Падтрымлівайце самыя высокія стандарты сумленнасці і празрыстасці»

Само сабой не абышлося без Рыгора Азаронка. Паспрабавалі «акультурыць» адно з яго выказванняў. 

Мы ўзялі яго рэакцыю на нядаўні арышт некалькіх беларусаў у Польшчы, якіх абвінавачваюць у працы на расійскую выведку. У арыгінале Азаронак адкрыта кідаецца ў мацюкі і абвінавачвае беларускія незалежныя СМІ ў адсутнасці праўды.

Нейрасетка настолькі «акультурыла» прапагандыста, што ён стаў раіць сваім паплечнікам «падтрымліваць самыя высокія стандарты сумленнасці і празрыстасці, а таксама не кідацца ў абразы і абвінавачванні без наяўнасці якіх-небудзь доказаў».

Важна адзначыць, што на момант публікацыі дадзенага артыкула штучны інтэлект PolitePost ужо паспеў абнавіцца да новай версіі. У ёй нейрасетка пры адказе на звароты карыстальнікаў стала строга прытрымлівацца фармату і правілаў працоўнай электроннай перапіскі.

Гэта азначае, што атрымліваць простыя і кароткія «акультураныя» вынікі без афіцыйнага афармлення (як гэта было з прыкладам змены выказвання Лукашэнкі) цяпер будзе нельга.

Чытайце таксама:

Лукашысты пачалі папулярызаваць вагнераўскую кувалду

Красамоўна. Што лукашэнкаўскія каналы напісалі пра выбухі ў Мачулішчах

«Яны ў нас пад праслушкай. Але ні**я там няма, яны тэлефоны з сабою не бяруць». Як сілавікі разбіраліся з Новай Баравой і Дзяржынскам — зліў

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
неўрасетка/адказаць/
20.03.2023
Рэд. нейрасеткай усё ніяк нагуляцца не можа
0
шура/адказаць/
20.03.2023
Что это за бред? Такое нести даже ИИ не способен. Это инсценировка.
20.03.2023
Грыша, тапі! Ты зможаш! Разрадзіся такім, што ніякая сатанінская нейрасетка цябе не адолее. Перамажы сетку і замкніся назаўжды, бо ўсё, што ты скажаш пасля, будзе горш.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера