Знайсці
15.03.2023 / 16:192РусŁacБел

Дэпутаты Еўрапарламента заклікалі УЕФА адхіліць зборную Беларусі ад удзелу ў кваліфікацыях да ЧЕ — 2026

104 дэпутаты Еўрапейскага парламента звярнуліся з лістом да прэзідэнта УЕФА Аляксандра Чэферына з просьбай адхіліць зборную Беларусі ад удзелу ў кваліфікацыйных матчах да чэмпіянату Еўропы 2024 года. Пра гэта піша «Радыё Свабода» са спасылкай на ліст, які трапіў у рэдакцыю.

Старшыня Беларускай федэрацыі футбола Уладзімір Базанаў. Фота sb.by

Свой заклік яны матывавалі рэпрэсіямі ў Беларусі і саўдзелам беларускіх улад у вайне супраць Украіны.

«Мы лічым важным, каб УЕФА перагледзеў сваю цяперашнюю пазіцыю ў дачыненні да Беларускай федэрацыі футбола. З міжнароднага пункту гледжання, відавочна, што цяперашнія захады неадэкватныя і не адлюстроўваюць таго, што робяць беларускія ўлады ў дачыненні да правоў чалавека і іншых каштоўнасцяў УЕФА.

Нявінна затрыманыя цярпяць катаванні і знявагі, што, безумоўна, парушае іх правы і свабоды. Значная частка беларускага грамадства цяпер жыве ў страху, яна запалохана тым, што нават нязначныя прыкметы непадтрымкі рэжыму Лукашэнкі могуць прывесці да страты іх кар’еры або волі. У тым ліку і беларускія спартсмены. Таму для нас ясна, што тыя футбалісты, якія яшчэ застаюцца ў беларускай футбольнай зборнай, падтрымліваюць рэжым Лукашэнкі.

Як усе гэтыя факты можна суаднесці з каштоўнасцямі УЕФА і матчамі УЕФА, якія павінны быць сімвалам міру і супрацоўніцтва, якія ўвасоблены ў футбольнай сямʼі? Сам факт удзелу зборнай Беларусі ў чэмпіянаце УЕФА пазней будзе выкарыстаны Лукашэнкам і яго прапагандысцкай камандай, каб даказаць, што яго добра прымаюць у міжнароднай супольнасці», — гаворыцца ў лісце.

Адборачны турнір да чэмпіянату Еўропы па футболе стартуе ўжо на наступным тыдні.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Навошта??? Дайце людзям зганьбіцца яшчэ раз/адказаць/
15.03.2023
Навошта? Яе ў адборы стаматолягі ды юрысты з Амстэрдаму выб’юць))
1
Максим Дизайнер/адказаць/
16.03.2023
Очень недальновидный шаг. Такой позор на официальном уровне гарантирован.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031