Знайсці
15.03.2023 / 15:47РусŁacБел

Польшча гатовая перадаць Украіне партыю МіГ-29 у найбліжэйшыя тыдні. Яе падтрымаюць іншыя краіны

Прадстаўнік урада Польшчы Пётр Мюлер заявіў у сераду, што некалькі заходніх краін гатовы падтрымаць Варшаву і таксама перадаць Кіеву некалькі знішчальнікаў МіГ-29, паведамляе Bloomberg.

Пра якія краіны ідзе гаворка, пакуль незразумела, але ёсць падставы меркаваць, што адной з іх стане Славакія.

«Вы можаце разлічваць на нашу дапамогу», — заявіў нядаўна прэм'ер-міністр краіны Эдуард Хегер, абмяркоўваючы з Кіевам пытанне ўмацавання ўкраінскай авіяцыі.

МіГ-29 — знішчальнік савецкага ўзору, які знаходзіцца на ўзбраенні многіх краін былога сацблока.

Украінскія лётчыкі добра знаёмыя з кіраваннем гэтых самалётаў і могуць пачаць прымяняць іх без страты часу на навучанне.

Улады Польшчы заяўляюць, што сваю партыю знішчальнікаў гатовыя перадаць Кіеву цягам чатырох-шасці тыдняў.

Пастаянны прадстаўнік Польшчы ў НАТА Томаш Шаткоўскі таксама заяўляў нядаўна, што перадача Украіне ў тым ліку заходніх знішчальнікаў — толькі пытанне часу.

Прэзідэнт Украіны Уладзімір Зяленскі даўно заклікае Захад разгледзець гэтае пытанне.

Польшча, Францыя, Вялікабрытанія і краіны Балтыі з самага пачатку заяўлялі пра гатоўнасць падтрымаць запыт.

Германія і ЗША выступаюць супраць. Вашынгтон, напрыклад, аргументуе сваю адмову тым, што абслугоўванне амерыканскіх F-16 і навучанне ўкраінскіх лётчыкаў іх эксплуатацыі будзе каштаваць непрапарцыйна дорага адносна карысці, якую гэтыя знішчальнікі могуць прынесці на полі бою.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера