«Толькі за ўчарашні дзень супрацоўнікі ГУБАЗіКа адпрацавалі больш за 60 чалавек». Сілавікі справаздачацца за рэпрэсіі пасля дыверсіі ў Мачулішчах
МУС выдала афіцыйнае паведамленне адносна таго, як яны выконваюць заданне Лукашэнкі правесці пасля паспяховай дыверсіі на аэрадроме ў Мачулішчах «жорсткую зачыстку».
Фота ілюстрацыйнае
Як паведамляе МУС, «толькі за ўчарашні дзень супрацоўнікі ГУБАЗіКа адпрацавалі больш за 60 чалавек. 21 чалавек прыцягнуты да адміністрацыйнай адказнасці і 5 — да крымінальнай.
Як піша МУС, «намаганні супрацоўнікаў ГУБАЗіКа накіраваны на выяўленне схаваных ячэек экстрэмістаў і іх памагатых, у тым ліку людзей, якія фінансуюць злачынную дзейнасць супраць Беларусі. Да супрацоўніцтва з тэрарыстамі, як правіла, гатовы звязаныя з наймітамі асобы і ўдзельнікі экстрэмісцкіх фармаванняў, напрыклад, плана «Перамога». Спыняецца дзейнасць актывістаў і ўнутры краіны, якія распальваюць варожасць у інтэрнэце».
Між тым, як заўсёды ў падобных выпадках, ёсць абгрунтаваныя сумневы ў тым, што лукашэнкаўскія сілавікі дзейнічаюць на падставе нейкай рэальнай інфармацыі, што тыя ці іншыя людзі маюць дачыненне да правядзення акцыі. Галоўная мэта — запалохванне, таму вялікая верагоднасць, што пад рэпрэсіі трапляюць і зусім выпадковыя людзі.
Чытайце таксама:
Лукашэнка казаў пра «самыя высокія тэхналогіі» для атакі ў Мачулішчах. А што паказала БТ?
Ці затрымалі тых беларусаў, хто вывеў з ладу самалёт у Мачулішчах? Нікога не паказалі
