Знайсці
10.03.2023 / 12:232РусŁacБел

Сістэма Patriot дазволіць украінскай арміі знішчаць расійскія комплексы С-300

Украіна мае атрымаць першыя зенітна-ракетныя комплексы Patriot. Вайсковы эксперт Алег Жданаў расказаў, што эфект ад гэтага будзе як прамы, так і ўскосны.

Зенітна-ракетны комплекс Patriot. Фота: AP

У сваім відэастрыме Алег Жданаў адзначыў, што існуюць дзве версіі сістэмы Patriot — PAC 2 і PAC 3. Апошняя на сёння найбольш распаўсюджана. Менавіта яна пастаўляецца ЗША ў іншыя краіны.

Комплекс PAC 2, які пачаў вырабляцца яшчэ ў 1987 годзе, мае каэфіцыент паражэння самалётаў 0,8—0,9; па ракетах такі каэфіцыент значна меншы — 0,3—0,4. Гэта значыць, што з дзесяці выпушчаных ворагам ракет комплекс можа ліквідаваць толькі 3—4. І гэта толькі ў тым выпадку, калі ракета не стварае перашкод. Таму на сёння гэтая версія не пастаўляецца.

У 1997 годзе прайшоў выпрабаванне комплекс PAC 3. У 2001 годзе ён быў прыняты на ўзбраенне. Каэфіцыент збіцця самалётаў у яго застаўся той жа (0,8—0,9), а вось адносна ракет гэты паказчык істотна ўзрос: на тактычныя ракеты ён складае 0,6—0,8.

Істотная акалічнасць, на якую звяртае ўвагу эксперт: комплексу PAC 3 неабходны спадарожнік, які назірае за сітуацыяй і ў выпадку фіксацыі пуску ракеты перадае інфармацыю сістэме. Напрыклад, час падлёту ракеты ад Белгарада да Харкава складае 40—50 секунд. З моманту пуску ракеты ў Patriot ёсць 30—40 секунд на рэакцыю. Яна ў гэтага комплексу складае 10—12 секунд. Спадарожнік перадае каманду сістэме, якая выпускае сваю ракету на паражэнне. На гэта можа спатрэбіцца 15 секунд. Часу хапае на тое, каб ракета праціўніка была збіта.

Таму з пастаўкай сістэм Patriot Украіна павінна атрымаць доступ да даных разведкі ў рэжыме анлайн. У адваротным выпадку эфектыўнасць Patriot рэзка знізіцца.

Эксперт таксама адзначыў, што спадарожнікавае назіранне дазволіць выяўляць перамяшчэнне вайсковай тэхнікі, у тым ліку С-300 ці С-400. Вядома, што расійскія зенітна-ракетныя комплексы (ЗРК) не знаходзяцца непасрэдна на лініі фронту. Яны размяшчаюцца на адлегласці за 30—40 кіламетраў. 

Украіна мае сістэмы HIMARS, дальнабойныя снарады тыпу «Эскалібур», але для эфектыўнага знішчэння расійскіх ЗРК гэтага недастаткова. Пастаўкі сістэм Patriot дазволяць атрымаць доступ да даных спадарожнікавай разведкі ў рэжыме анлайн. Яны могуць быць выкарыстаны сярод іншага і для паражэння пазіцый расійскіх комплексаў С-300 і С-400.

Першы комплекс «Пэтрыёт», напэўна, ужо знаходзіцца ва Украіне.

Чытайце яшчэ:

Ці можа супрацьдронавая стрэльба збіваць дроны «Ланцэт»?

«Леапард 2» і Т-72: чый снарад больш магутны

Эксперт патлумачыў, што лепшае: расійскія БМП ці «Брэдлі»

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
1
Мойша/адказаць/
10.03.2023
Дазволіць калі дадуць доступ да онлайн назірання, а інакш гэта лом.
0
Караткун/адказаць/
10.03.2023
Не дазволиць. У Каласах пад сярпом тваим гэта дакладна праанализавана. Дзякуй
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера