Знайсці
03.03.2023 / 18:50РусŁacБел

Мужчына з-пад Верхнядзвінска вырашыў адпомсціць старшыні сельвыканкама: спаліў яе машыну

Здарылася гэта яшчэ ў верасні, цяпер справу накіравалі ў суд.

Пракуратура Віцебскай вобласці накіравала ў суд Верхнядзвінскага раёна крымінальную справу супраць 61-гадовага жыхара Верхнядзвінскага раёна Д. Мужчыну вінавацяць у пашкоджанні маёмасці Боркавіцкага сельвыканкама і знішчэнні маёмасці яго старшыні.

Як піша пракуратура, Д. вырашыў адпомсціць старшыні сельвыканкама за прафілактычную работу, якую тая праводзіла з ім. Ноччу 15 верасня 2022 года ў стане алкагольнага ап'янення ён таемна пракраўся на тэрыторыю дома, у якім пражывала старшыня, пасля чаго абліў бензінам яе аўто Volkswagen Polo і падпаліў яго.

У выніку машына і тое, што ў ёй ляжала, было знішчана.

Шкода па справе перавысіла 23 тысячы рублёў.

Акрамя таго, агонь пашкодзіў маёмасць Боркавіцкага сельвыканкама коштам звыш 970 рублёў.

На мужчыну завялі справу па ч. 2 арт. 218 Крымінальнага кодэкса (наўмыснае знішчэнне ці пашкоджанне чужой маёмасці).

Мужчына да суда знаходзіцца за кратамі.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера