Знайсці
01.03.2023 / 19:2242РусŁacБел

Вольга Бондарава замахнулася на помнік Ларысе Геніюш у Зэльве

Сумнавядомая прарасійская актывістка з Гродна дамагаецца зносу помніка вядомай беларускай паэтцы і дысідэнтцы Ларысе Геніюш, усталяванага на тэрыторыі царквы Святой Жываначальнай Тройцы ў Зэльве ў 2003 годзе.

Вольга Бондарава вядомая сваім несупынным змаганнем з беларускай культурай і мовай, дзеячамі беларускага адраджэння. Гэтым разам яна сцвярджае, што бюст беларускай паэтцы быў усталяваны дваццаць гадоў на тэрыторыі Зэльвенскай царквы без дазволу мясцовых уладаў.

Між тым, як сцвярджае Бондарава ў лісце, адрасаваным кіраўніку адміністрацыі Лукашэнкі Ігару Сергеенку, помнік «адным сваім выглядам прыносіць невыносныя пакуты ветэранам ВАВ», «ганьбуе чыстае імя Беларускай праваслаўнай царквы». 

Свецкія зэльвенскія начальнікі згоду на знос помніка ўжо нібыта далі, але так як у 2003 годзе помнік асвяціў сам тагачасны мітрапаліт Філарэт, трэба яшчэ, каб пад Бондараву прагнулася і Царква. Прарасійская актывістка ўжо накіравала зварот на імя мітрапаліта Мінскага і Заслаўскага Веніяміна з просьбай даць згоду Праваслаўнай царквы на ліквідацыю помніка Ларысе Геніюш. Веніямін перанакіраваў яго згодна «прыналежнасці» ў Гродзенскую епархію БПЦ, а тая ўжо будзе нібыта вырашаць.

Між тым кіпучая дзейнасць Бондаравай апошнім часам не падабаецца нават некаторым іншым праўладным прапагандыстам, якія лічаць, што ў сваёй нянавісці да беларушчыны ў любых яе праявах яна перагінае палку і больш шкодзіць, чым прыносіць карысці. 

Чытайце таксама:

«Настолькі забранзавеў». Бондарава напісала ў пракуратуру на Марзалюка 

«Ці варта пэцкацца, папулярызуючы гэтую грамадзянку?» Частка прапагандыстаў пайшла вайной на Бондараву

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Ядвига/адказаць/
03.03.2023
Суповой пакетик, Бондаревой делать нечего- ни любящего человека рядом, ни нормальной семьи, полное тсутствие правильных ценностей и колоссальные комплексы по поводу страшно неудавшейся внешности. Вот и занимается всякой ядовитостью...
0
Ядвига/адказаць/
03.03.2023
Обратный отсчёт , вменяемому не может, а извращенцам студенту и псевдоамериканцу старкову- запросто.
0
Зэльвенскі/адказаць/
29.03.2023
Знеслі сёння! Адно маці тэлефанавала. От табе і незаконна.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера