У Кіеве ўпершыню ад пачатку вайны выступіць заходні музычны гурт

Славенскі гурт Laibach запланаваў на 31 сакавіка ў Кіеве незвычайны канцэрт. Паведамляецца, што гэта будзе першае выступленне замежнага музычнага калектыву ў сталіцы Украіны з лютага мінулага года.

Славенцы сыграюць адмысловую праграму пад назвай «Еўрабачанне». Музыкі Laibach заявілі, што вяртаюць конкурс туды, «дзе цяпер адбываецца адзінае сапраўднае і рэальнае бачанне Еўропы».

Нагадаем, што ў 2022 годзе Еўрабачанне выйгралі ўкраінцы з Kalush Orchestra, але ў мэтах бяспекі конкурс перанеслі ў Вялікабрытанію.

Laibach у 2015 годзе стаў першым еўрапейскім калектывам, які даў канцэрт у Паўночнай Карэі. Праз два гады выйшаў дакументальны фільм пра гэту падзею.

Nashaniva.com

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

5

2

2

1

0

0