Знайсці
04.02.2023 / 09:151РусŁacБел

ISW: Расійскае Мінабароны плануе афіцыйна інтэграваць войскі з самаабвешчаных ЛНР і ДНР у склад сваіх узброеных сіл

У зводцы Амерыканскага інстытута вывучэння вайны (ISW) 4 лютага аналізуюцца паведамленні пра страты Расіі ў вайне і спробы Масквы іх папоўніць.

Фота AP

Ваенныя эксперты звяртаюць увагу на тое, што афіцыйныя асобы ў ЗША і іншых заходніх краінах лічаць, што колькасць забітых і параненых расійскіх вайскоўцаў ва Украіне набліжаецца да 200 тысяч чалавек. Вялікая колькасць расійскіх страт у вайне ва Украіне працягвае аказваць згубны ўплыў на баяздольнасць расійскіх узброеных сіл і можа заахвоціць расійскіх афіцыйных асоб правесці другую хвалю мабілізацыі, паколькі вайскоўцы рыхтуюцца да будучых наступаў на Украіне, гаворыцца ў зводцы ISW.

Акрамя таго, расійскае мінабароны плануе афіцыйна інтэграваць войскі з самаабвешчаных ЛНР і ДНР у склад расійскіх узброеных сіл, пішуць аналітыкі са спасылкай на ваенных блогераў. У прыватнасці, ваенкар і рэпарцёр ВГТРК Аляксандр Сладкоў напісаў на днях, што Мінабароны Расіі трансфармуе злучэнні самаабвешчаных ЛНР і ДНР у рэгулярныя «брыгады, батальёны і палкі». Усё гэта можа адбывацца дзеля ініцыятывы міністра абароны Сяргея Шайгу па павелічэнні колькасці расійскіх вайскоўцаў і стварэнні новых манеўраных дывізій, мяркуюць ваенныя аналітыкі.

Тым часам расійскія акупацыйныя ўлады працягваюць распаўсюджваць сцвярджэнні аб тым, што ў складзе расійскіх добраахвотніцкіх фармаванняў служаць замежныя добраахвотнікі — гэта дазваляе прадстаўляць Расію менш ізаляванай на міжнародным узроўні, гаворыцца ў зводцы ISW. Напрыклад, прызначаны Масквой губернатар акупаванай часткі Запарожскай вобласці Яўген Баліцкі раней заяўляў, што ў так званым «добраахвотніцкім атрадзе Запарожскай вобласці» ёсць грамадзяне Сербіі і Турцыі, аднак «ISW не выявіў ніякіх пацвярджэнняў гэтага».

Ваенныя эксперты мяркуюць, што падобныя заявы могуць таксама выкарыстоўвацца для таго, каб даць зразумець канкрэтным замежным краінам, што ў іх ёсць прарасійскія выбаршчыкі.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Интеграция-кооперация, кручу-верчу… сам себя обмануть хочу/адказаць
04.02.2023
Ловкая игра с цифрами, статистикой, иллюзионирование, очковтирательство, махинации, показушничество и выстраивание видимости «победительной» стратегии - отличительная черта замшелых совковых номенклатурщиков. А с другой стороны, интегрировать в состав ВС орду бывших боевиков-«махновцев» с четко выраженными криминальными наклонностями и положенным болтом на воинскую дисциплину и субординацию,- супер идея, почти такая же, как вообще устроить 24.02.2022
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
1
2345678
9101112131415
16171819202122
23242526272829
3031