Каранік паабяцаў гродзенцам слана
На прэс-канферэнцыі старшыня Гродзенскага аблвыканкама Уладзімір Каранік сказаў, што ўжо ў найбліжэйшы час у Гродзенскім заапарку можа з'явіцца слон, паведаміў тэлеканал «Гродна Плюс». Цяпер прапрацоўваюцца некалькі варыянтаў, як яго можна набыць і даставіць.
Здымак ілюстрацыйны. Фота: AP Photo/Brian Inganga
Каб быць гатовымі да прыёму слана, таксама на працягу года плануюць дабудаваць домік і вальер для яго — сланоўнік.
Калі слон у Гродне сапраўды з'явіцца, то ён стане для мясцовага заапарка трэцім па ліку.
Першай стала сланіха Машка. Яна ў Гродна прыбыла ў 1955 годзе. Кажуць, што ў яе была цікавая біяграфія. Да пераезду ў Гродна сланіха служыла ў арміі В'етнама.
У 1960-х гадах у Гродна з нямецкага Лейпцыга даставілі слана па мянушцы Сурак. Ён пражыў у заапарку каля 40 гадоў. У пачатку 2000-х Сурак захварэў і ў 2002-м памёр. Пасля таго слана ў Гродзенскім заапарку не было.
Чытайце таксама:
Расійскія мытнікі не далі завезці ў Беларусь трохмесячнае львяня
У адным з гродзенскіх інтэрнатаў пасялілася сотня кажаноў
Як легальна купіць дзікабраза ці імператарскага ўдава ў Мінску? Расказваем
у прыватнасці вось zVir
хіба блага яго кормяць там, куды ён з'ехаўшы за хаўкай дауно?